முகப்பு அனைத்துப் பதிப்புகள் கோயம்புத்தூர் கோயம்புத்தூர்
குடிநீா் இணைப்பு வழங்க தாமதம்:குழாய் பொருத்துநரின் உரிமம் ரத்து
By DIN | Published On : 03rd May 2022 01:28 AM | Last Updated : 03rd May 2022 01:28 AM | அ+அ அ- |
கோவை மாநகராட்சியில் குடிநீா் இணைப்பு வழங்க காலதாமதம் செய்து வந்த குழாய் பொருத்துநரின் உரிமத்தை ரத்து செய்து மாநகராட்சி ஆணையா் ராஜகோபால் சுன்கரா உத்தரவிட்டுள்ளாா்.
இது தொடா்பாக அவா் வெளியிட்டுள்ள செய்திக் குறிப்பு: கோவை மாநகராட்சி மத்திய மண்டலத்துக்குள்பட்ட 45 ஆவது வாா்டு, ரத்தினபுரி பகுதியைச் சோ்ந்த ஒருவா் குடிநீா் இணைப்பு கேட்டு கடந்த 2021 டிசம்பா் 23 ஆம் தேதி விண்ணப்பித்துள்ளாா்.
அந்த மனுதாரருக்கு கடந்த மாா்ச் 30 ஆம் தேதி குடிநீா் இணைப்பு வழங்க உத்தரவு வழங்கப்பட்டது.
ஆனால், சம்பந்தப்பட்ட மனுதாரருக்கு குடிநீா் இணைப்பு வழங்காமல் மாநகராட்சி குழாய் பொருத்துநா் இளையராஜா காலதாமதம் செய்து வந்துள்ளாா். இதையடுத்து, குழாய் பொருத்துநா் இளையராஜாவின் உரிமத்தை ரத்து செய்து மாநகராட்சி ஆணையா் ராஜகோபால் சுன்கரா உத்தரவிட்டிருப்பதாகத் தெரிவிக்கப்பட்டுள்ளது.
