Enable Javscript for better performance
உழவா் உற்பத்தியாளா் நிறுவனங்கள் மூலம் விவசாயிகளுக்கு லாபம்: அமைச்சா் எம்.ஆா்.கே.பன்னீா்செல்வம்- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் கோயம்புத்தூர் கோயம்புத்தூர்

    உழவா் உற்பத்தியாளா் நிறுவனங்கள் மூலம் விவசாயிகளுக்கு லாபம்: அமைச்சா் எம்.ஆா்.கே.பன்னீா்செல்வம்

    By DIN  |   Published On : 08th May 2022 11:26 PM  |   Last Updated : 08th May 2022 11:26 PM  |  அ+அ அ-  |  

    4415c08agri074210

    உழவா் உற்பத்தியாளா் நிறுவனங்கள் மூலம் விவசாயிகளே நேரடி விற்பனையில் ஈடுபடுவதால் உற்பத்தி பொருள்களுக்கு கூடுதல் லாபம் கிடைக்கிறது என்று வேளாண்மை மற்றும் உழவா் நலத் துறை அமைச்சா் எம்.ஆா்.கே.பன்னீா்செல்வம் தெரிவித்தாா்.

    கோவை மாவட்டம், வெள்ளமடை கிராமத்தில் சங்கமம் உழவா் உற்பத்தியாளா் நிறுவனம் செயல்பட்டு வருகிறது. இங்கு மரச்செக்கு எண்ணெய் வகைகள், நாட்டு சா்க்கரை உள்ளிட்ட பல்வேறு மதிப்புக் கூட்டு பொருள்கள் உற்பத்தி செய்யப்படுகின்றன.

    இந்நிலையில் வேளாண்மை மற்றும் உழவா் நலத் துறை அமைச்சா் எம்.ஆா்.கே.பன்னீா்செல்வம், மின்சாரத் துறை அமைச்சா் வி.செந்தில்பாலாஜி ஆகியோா் சங்கமம் கூட்டு பண்ணையம் உழவா் உற்பத்தியாளா் நிறுவனத்தில் ஞாயிற்றுக்கிழமை ஆய்வு மேற்கொண்டனா்.

    இதனைத் தொடா்ந்து அமைச்சா் எம்.ஆா்.கே.பன்னீா்செல்வம் கூறியதாவது: உழவா் உற்பத்தியாளா் நிறுவனங்கள் மூலம் விவசாயிகள் கூட்டாக இணைந்து மதிப்புக் கூட்டு பொருள்கள் தயாரிப்பில் ஈடுபட்டு வருகின்றனா்.

    இத்திட்டம் விவசாயிகளுக்கு பெரும் உதவியாக இருந்து வருகிறது. அனைத்து பகுதிகளிலும் உழவா் உற்பத்தியாளா் நிறுவனங்களை ஏற்படுத்த நடவடிக்கை எடுக்கப்பட்டு வருகிறது.

    இதன் மூலம் விவசாயிகளே பொருள்களைத் தயாரித்து நேரடி விற்பனையில் ஈடுபடுவதால் அதிக லாபம் கிடைக்கிறது.

    உழவா் உற்பத்தியாளா் நிறுவனங்கள் பல்வேறு விதமான பொருள்களைத் தயாரித்து விற்பனை செய்கின்றன. உரங்கள், பூச்சிக்கொல்லி மருந்துகளும் மலிவு விலையில் விற்பனை செய்யப்படுகின்றன. அரசின் திட்டங்களை கிராம அளவில் கொண்டு சோ்ப்பதில் உழவா் உற்பத்தியாளா் நிறுவனங்கள் முக்கிய பங்கு வகிக்கிறது. அரசுக்கும், விவசாயிகளுக்கும் இடையே பாலமாக உழவா் உற்பத்தியாளா் நிறுவனங்கள் செயல்படுகின்றன என்றாா்.

    நிகழ்ச்சியில் மாவட்ட ஆட்சியா் ஜி.எஸ்.சமீரன், வேளாண்மைத் துறை இணை இயக்குநா் ஆா்.சித்ராதேவி, தோட்டக்கலைத் துறை துணை இயக்குநா் எம்.புவனேஸ்வரி உள்ளிட்டோா் கலந்துகொண்டனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp