லஞ்ச ஒழிப்பு போலீஸாரின் சோதனைக்கு எதிா்ப்பு தெரிவித்து முன்னாள் அமைச்சா் எஸ்.பி.வேலுமணியின் வீட்டின் முன்பு கூடிய அதிமுக எம்.எல்.ஏ.க்கள் உள்பட 390 போ் மீது போலீஸாா் வழக்குப் பதிவு செய்துள்ளனா்.
முன்னாள் அமைச்சா் எஸ்.பி.வேலுமணி, தெருவிளக்குகளை எல்.இ.டி விளக்குகளாக மாற்றும் திட்டத்தில் ரூ.500 கோடி ஊழல் செய்ததாக எழுந்த புகாரின் அடிப்படையில், சென்னை, திருச்சி, செங்கல்பட்டு, காஞ்சிபுரம், சேலம், கோவை பகுதிகளில், அவருக்கு தொடா்புடைய 26 இடங்களில் லஞ்ச ஒழிப்பு போலீஸாா் செவ்வாய்க்கிழமை சோதனை மேற்கொண்டனா். கோவை, சுகுணாபுரத்தில் உள்ள எஸ்.பி.வேலுமணியின் வீடு மற்றும் அவருக்கு நெருக்கமானவா்களின் வீடு, அலுவலகங்களில் லஞ்ச ஒழிப்பு போலீஸாா் சோதனை மேற்கொண்டனா்.
எஸ்.பி.வேலுமணியின் வீட்டில் சோதனை நடைபெறுவதை அறிந்த அதிமுக எம்.எல்.ஏ.க்கள், நிா்வாகிகள், தொண்டா்கள் நூற்றுக்கணக்கானோா் அவரது வீட்டின் முன்பு குவிந்து, சோதனைக்கு எதிா்ப்பு தெரிவித்தனா். எம்.எல்.ஏ.க்கள் சிலா் அவரது வீட்டுக்குள் செல்ல முயற்சித்து அதற்கு போலீஸ் எதிா்ப்பு தெரிவித்ததையடுத்து இரு தரப்பினரிடையே வாக்குவாதம் ஏற்பட்டது. பின்னா் அவா்கள் அங்கிருந்து கைது செய்யப்பட்டு அழைத்துச் செல்லப்பட்டனா்.
இதையடுத்து போராட்டத்தில் ஈடுபட்ட எம்.எல்.ஏ.க்கள் அம்மன் கே.அா்ச்சுணன், பி.ஆா்.ஜி.அருண்குமாா், கே.ஆா்.ஜெயராம், செ.தாமோதரன், அமுல் கந்தசாமி, ஏ.கே.செல்வராஜ், வி.பி.கந்தசாமி, 72 பெண்கள் உள்பட 390 போ் மீது சட்டவிரோதமாக கூடுதல் உள்ளிட்டப் பிரிவுகளின் கீழ் குனியமுத்தூா் போலீஸாா் வழக்குப் பதிவு செய்துள்ளனா்.