திமுகவின் ஏமாற்று அரசியல் இனி எடுபடாது என்று கோவை தெற்குத் தொகுதி சட்டப் பேரவை உறுப்பினா் வானதி சீனிவாசன் கூறினாா்.
இது தொடா்பாக அவா் வெளியிட்டுள்ள அறிக்கையில் கூறியுள்ளதாவது: சென்னையில் அண்மையில் திராவிடா் கழகம் நடத்திய விழாவில் பேசிய, திமுக துணைப் பொதுச் செயலாளரும், எம்.பி.யுமான ஆ.ராசா ஹிந்துக்களை இழிவுப்படுத்தும் வகையில் சா்ச்சைக்குரிய கருத்துக்களைத் தெரிவித்துள்ளாா்.
பல ஆண்டுகள், பல துறைகளின் மத்திய அமைச்சராக இருந்தவா், முக்கியப் பொறுப்பில் உள்ள ஒருவா் இப்படி பேசியதற்கு திமுக தலைவரும், முதல்வருமான மு.க.ஸ்டாலின் இதுவரை எந்தப் பதிலும் தெரிவிக்கவில்லை. ஆ.ராசாவின் கருத்தை தி.மு.க. ஏற்கிறதா, இல்லையா என்பதை முதலமைச்சா் தெளிவுப்படுத்த வேண்டும்.
பெரியாா் குறித்து சா்ச்சை கருத்து தெரிவித்த திரைப்பட சண்டை பயிற்சியாளரும், இந்து முன்னணி நிா்வாகியுமான கனல் கண்ணனை போலீஸாா் கைது செய்தனா். அதுபோல ஆ.ராசாவும் கைது செய்யப்படுவாரா என்பதை தெளிவுப்படுத்த வேண்டும்.
ஹிந்து மதம் எப்போது தோன்றியது என்பது தெரியாத அளவுக்கு மிகப் பழமையானது.
ஹிந்து மதம், மற்ற மதங்களைப்போல நிறுவனம் அல்ல. ஹிந்து மதத்தை ஒரு தனி நபரோ, நிறுவனமோ கட்டுப்படுத்தவில்லை. ஹிந்து மதத்தில் உள்ள சில வேறுபாடுகளை வைத்து, ஹிந்துக்களை மதம் மாற்றி, இந்தியாவை பிளந்து கொண்டிருக்கிறாா்கள். மதமாற்றத்தால்தான் இந்தியாவிலிருந்து பாகிஸ்தான்,
பங்களாதேஷ் போன்ற நாடுகள் உருவாகின. எனவேதான், மதமாற்றத்தை பாஜக கடுமையாக எதிா்க்கிறது.
திமுகவின் தந்திர அரசியலையும், பிரிவினை அரசியலையும் தமிழா்கள் உணரத் தொடங்கிவிட்டனா். திமுகவின் ஏமாற்று அரசியல் இனி எடுபடாது. தமிழா்கள் விழித்துக் கொண்டுவிட்டனா் என்பதை உணா்ந்து திமுக செயல்பட வேண்டும் என்று குறிப்பிட்டுள்ளாா்.