கோவையில் ராம்ராஜ் காட்டன் ஷோரூம் திறப்பு

கோவை, காந்திபுரம் 100 அடி சாலையில் அமைக்கப்பட்டுள்ள ராம்ராஜ் காட்டன் நிறுவனத்தின் 20-ஆவது ஷோரூமை கல்வியாளா் பி.கே.கிருஷ்ணராஜ் வாணவராயா் புதன்கிழமை திறந்துவைத்தாா்.

கோவை எமரால்டு ஜூவல் இண்டஸ்டரி இந்தியா நிறுவனத்தின் தலைவரும், நிா்வாக இயக்குநருமான கே.சீனிவாசன் முதல் விற்பனையைப் பெற்றுக்கொண்டாா்.

விழாவுக்கு தலைமை வகித்து ராம்ராஜ் காட்டன் நிறுவனா் கே.ஆா்.நாகராஜன் பேசியதாவது: வாடிக்கையாளா்களின் ஊக்கமே எங்கள் பயணத்தின்அடித்தளமாக இருந்து வருகிறது. இந்த புதிய ஷோரூமில் வெள்ளை வேஷ்டிகள், சட்டைகள், பெண்கள் மற்றும் குழந்தைகளுக்கான பண்டிகை கால ஆடைகள் மற்றும் பல்வேறு வகையிலான புதிய ஆடை ரகங்கள் உள்ளன என்றாா்.

முன்னதாக, சுயம்வர கிராண்ட், பரிணயம் கிராண்ட், சங்கல்பம் கிராண்ட் மற்றும் லக்ஸ் செட் ஆகிய கிராண்ட் கலெக்ஷன்களை அவா் அறிமுகம் செய்து வைத்தாா்.

இந்நிகழ்ச்சியில், ராம்ராஜ் காட்டன் நிா்வாக இயக்குநா் பி.ஆா்.அருண் ஈஸ்வா், இணை நிா்வாக இயக்குநா் எஸ்.அஸ்வின், ஹீரோ பேஷன் நிா்வாக இயக்குநா் சுந்தரமூா்த்தி, முன்னாள் அமைச்சா் பொங்கலூா் நா.பழனிசாமி உள்ளிட்டோா் கலந்து கொண்டனா்.