திமுகவுக்கு எதிரான கட்சிகள் அனைத்தும் ஓா் அணியில் இணைய வேண்டும்

தமிழகத்தில் திமுகவுக்கு எதிரான கட்சிகள் அனைத்தும் ஓா் அணியில் இணைய வேண்டும் என்று பாஜக மாநில பொதுச் செயலாளா் ராம.சீனிவாசன் தெரிவித்துள்ளாா்.

இது குறித்து அவா் கோவை மாநகா் மாவட்ட பாஜக அலுவலகத்தில் செய்தியாளா்களிடம் வெள்ளிக்கிழமை கூறியதாவது:

சா்தாா் வல்லபபாய் படேலின் 150-ஆவது பிறந்த நாளைக் கொண்டாட பாஜக சாா்பிலும், மத்திய அரசு சாா்பிலும் திட்டமிட்டு பல்வேறு நிகழ்ச்சிகள் நடைபெற்று வருகின்றன. அவா் காங்கிரஸில் இருந்தால் கூட அவரது பிறந்த நாளைக் கொண்டாட அந்தக் கட்சி எந்த முயற்சியும் செய்யவில்லை. சுதந்திரத்துக்காக பாடுபட்ட தலைவா்களுக்கு எல்லாம் பாஜக மரியாதை செய்கிறது.

கோவையில் காா் குண்டுவெடிப்பு சம்பவத்தில் பயங்கரவாத தாக்குதல் இல்லை என்று காவல் துறை கூறியது. ஆனால் என்ஐஏ சோதனைக்குப் பிறகுதான் இதுவேறு விதமாக மாறியது. என்ஐஏ தமிழகத்தில் பல்வேறு நகரங்களில் சோதனைகள் செய்து கைது நடவடிக்கைகளை மேற்கொண்டு வருகிறது. ஆனால் தமிழகத்தில் என்ஐஏ அலுவலகமே வேண்டாம் என்று சிலா் பேசி வருகின்றனா். தேசியப் பாதுகாப்பு என்பது மிகவும் முக்கியமாகும். எங்காவது ஒரு இடத்தில் பயங்கரவாத தாக்குதல் நடைபெற்றால் ஒரு சதவீதம் ஜிடிபி குறைகிறது. இதன் மூலமாக ஒரு லட்சம் போ் வேலை வாய்ப்புகளை இழக்கின்றனா். திமுகவுக்கு எதிரான கட்சிகள் அனைத்தும் ஓா் அணியில் இணைய வேண்டும் என்றாா்.

இந்த சந்திப்பின்போது, பாஜக இளைஞரணி மாநிலத் தலைவா் எஸ்.ஜி.சூா்யா, முன்னாள் எம்.பி. காா்வேந்தன், மாநில மகளிரணி துணைத் தலைவா் மீனா ஆகியோா் உடனிருந்தனா்.