Enable Javscript for better performance
தொட்டியனூர் ஸ்ரீஅஜாய ராமர் கோயிலில் ராமநவமி வழிபாடு: யாக வேள்விகளுடன் இன்று தொடக்கம்- Dinamani

சுடச்சுட

    

    தொட்டியனூர் ஸ்ரீஅஜாய ராமர் கோயிலில் ராமநவமி வழிபாடு: யாக வேள்விகளுடன் இன்று தொடக்கம்

    By DIN  |   Published on : 24th March 2018 02:45 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    பவானியை அடுத்த இரட்டைக்கரடு தொட்டியனூரில் உள்ள ஸ்ரீஅஜாய ராமர் கோயிலில் ராமநவமி விழா வழிபாடு சனிக்கிழமை தொடங்கி இரு நாள்கள் நடைபெறுகிறது.
    ராமநவமி விழாவை முன்னிட்டு, இக்கோயில் வளாகத்தில் சனிக்கிழமை அதிகாலை விஸ்வக்சேனா வழிபாட்டுடன் ஹோம வேள்விகள் தொடங்குகிறது. தொடர்ந்து, 1,008 ஜெபம் மற்றும் மந்திரங்கள் முழங்க நடைபெறும் இவ்வேள்வியில் 108 வாசனைத் திரவியங்கள் கொண்டு வழிபாடுகள் நடத்தப்படுகின்றன. இதையடுத்து, பூர்ணாகுதியுடன் முடிவடையும் வழிபாட்டைத் தொடர்ந்து அபிஷேக ஆராதனைகள் நடைபெறுகின்றன.
    இதையடுத்து, ஞாயிற்றுக்கிழமை காலை நல்லெண்ணெய், சந்தனத் தைலம், பஞ்ச கவ்யம், பால், தயிர், இளநீர், மஞ்சள், குங்குமம், சந்தனம், தேன், நெய் உள்ளிட்ட 24 வகையான திரவியங்களைக் கொண்டு ராமருக்கும், சீதாதேவிக்கும் மற்றும் ஆஞ்சநேயருக்கும் அபிஷேகம் நடைபெறுகிறது. தொடர்ந்து, 10,008 பாராயணமும், அலங்கார வழிபாடுகளும் நடைபெறுகிறது. இதற்கான ஏற்பாடுகளை கோயில் நிர்வாகி இரா.தாசப்பன் தலைமையில் செய்யப்பட்டுள்ளது.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai