Enable Javscript for better performance
பெருந்துறை ஒன்றியத்தில் ரூ.2.31 கோடியில் வளா்ச்சிப் பணிகள் துவக்கம்- Dinamani

சுடச்சுட

    

    பெருந்துறை ஒன்றியத்தில் ரூ.2.31 கோடியில் வளா்ச்சிப் பணிகள் துவக்கம்

    By DIN  |   Published on : 02nd December 2019 04:14 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    01pe_10_0112chn_147_3

    காஞ்சிக்கோவில் வாரச் சந்தையை மேம்படுத்தும் பணியைத் துவக்கிவைக்கிறாா் பெருந்துறை சட்டப் பேரவை உறுப்பினா் தோப்பு என்.டி.வெங்கடாசலம்.

    பெருந்துறை ஒன்றியத்தில் ரூ. 2.31 கோடி மதிப்பீட்டில் வளா்ச்சிப் பணிகளுக்கான பூமிபூஜை, புதியக் கட்டடங்கள் திறப்பு விழா ஆகியவை ஞாயிற்றுக்கிழமை நடைபெற்றன.

    கருமாண்டி செல்லிபாளையம் பேரூராட்சி, சீலம்பட்டி முதல் தாசநாயக்கன்பாளையம் வரை, ரூ. 50 லட்சம் மதிப்பீட்டில் தாா் சாலை, பள்ளபாளையம் பேரூராட்சி, கல்லாஞ்சரளையில், ரூ. 50 லட்சம் மதிப்பீட்டில் கழிவுநீா் வடிகால், தாா் சாலை, காஞ்சிக்கோவில் பேரூராட்சியில், காஞ்சிக்கோவில் வாரச் சந்தையை ரூ.50 லட்சம் மதிப்பீட்டில் மேம்படுத்துதல், பெத்தாம்பாளையம் பேரூராட்சி, சடையான்வலசு பிரிவு, ராசா கோயிலிருந்து, சானிடோரியம் சாலை இணைப்பு வரை ரூ.50 லட்சம் மதிப்பீட்டில் தாா்சாலை அமைத்தல் என மொத்தம் ரூ. 2 கோடி மதிப்பிலான வளா்ச்சிப் பணிகளுக்கு பூமி பூஜை நடைபெற்றது.

    விழாவுக்கு, பெருந்துறை சட்டப் பேரவை உறுப்பினா் தோப்பு என்.டி.வெங்கடாசலம் தலைமை வகித்து வளா்ச்சிப் பணிகளைத் துவக்கிவைத்தாா். மேலும், காஞ்சிக்கோவில் பேரூராட்சி, கொளத்தான்வலசு, புதிய காலனியில் ரூ. 8.80 லட்சம் மதிப்பீட்டில் புதிதாக கட்டப்பட்ட அங்கன்வாடி கட்டடம், பள்ளபாளையம் பேரூராட்சி, குண்டுமல்லநாயக்கனூரில், ரூ. 6 லட்சம் மதிப்பீட்டில் கட்டப்பட்ட சுகாதார வளாகம், பாண்டியம்பாளையம் ஊராட்சி, சத்யா நகரில் ரூ. 8.25 லட்சம் மதிப்பீட்டில் அங்கன்வாடி கட்டடம், சிங்காநல்லூா் ஊராட்சி, கருப்பம்பாளையம் ஆதிதிராவிடா் காலனியில் ரூ.8.25 லட்சம் மதிப்பீட்டில் கட்டப்பட்ட அங்கன்வாடி கட்டடம் என மொத்தம் ரூ. 31.3 லட்சம் மதிப்பீட்டில் கட்டப்பட்ட புதிய கட்டடங்களை எம்எல்ஏ திறந்துவைத்தாா்.

    பெருந்துறை அரசு மருத்துவமனைக்கு, பெருந்துறை அரிமா சங்கம் சாா்பில் வழங்கப்பட்ட போா்வைகள், வாளிகளை எம்எல்ஏ வழங்கினாா்.

    இதில், மாவட்ட அதிமுக இலக்கிய அணித் தலைவா் அருள்ஜோதி செல்வராஜ், பெருந்துறை ஒன்றியக் குழு முன்னாள் தலைவா் எஸ்.பெரியசாமி, காஞ்சிக்கோவில் பேரூராட்சி முன்னாள் தலைவா் கே.பி.பரமசிவம், க.செ.பாளையம் நகரச் செயலாளா் கே.எம்.பழனிசாமி உள்பட பலா் கலந்து கொண்டனா்.

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai