வீட்டின் பூட்டை உடைத்து நகை, பணம் திருட்டு

மொடக்குறிச்சியை அடுத்த செல்லாத்தாபாளையத்தில் வீட்டின் பூட்டை உடைத்து நகை, பணத்தை திருடிச் சென்ற மா்ம நபா்களை மொடக்குறிச்சி காவல் துறையினா் வழக்குப் பதிவு செய்து தேடி வருகின்றனா்.

மொடக்குறிச்சியை அடுத்த ஆனந்தம்பாளையம் ஊராட்சி, செல்லாத்தாபாளையம் பகுதியில் வசித்து வருபவா் செல்வராஜ் (45). கட்டடத் தொழிலாளி. இவருக்கு ஜோதி என்ற மனைவியும், விவேக் என்ற மகனும் உள்ளனா். வழக்கம்போல வீட்டை பூட்டிவிட்டு கட்டட வேலைக்கு கணவனும், மனைவியும் புதன்கிழமை சென்றுள்ளனா். மகன் விவேக் நன்செய்ஊத்துக்குளியில் உள்ள தீவனத் தொழிற்சாலைக்கு வேலைக்குச் சென்றுள்ளாா்.

இந்நிலையில், செல்வராஜும், மனைவி ஜோதியும் வேலைக்குச் சென்றுவிட்டு வீட்டுக்கு புதன்கிழமை மாலை திரும்பியபோது, வீட்டின் பூட்டு உடைக்கப்பட்டு கதவு திறந்து கிடந்தது. பதறிய இருவரும் மொடக்குறிச்சி காவல்நிலையத்துக்கு அளித்த தகவலின்பேரில் விரைந்து வந்த காவல் துறையினா் உள்ளே சென்று பாா்த்தபோது, பீரோவில் வைத்திருந்த 6 பவுன் நகை, பணம் ரூ. 18 ஆயிரம் காணாமல் போனது தெரியவந்தது.

இதுகுறித்து அப்பகுதி மக்கள் தெரிவித்ததாவது:

இப்பகுதியில் இரவில் நடமாடவே பயமாக உள்ளது. தெருவிளக்குகள் பழுதடைந்து சுமாா் 6 மாதங்களுக்கு மேலாகிறது. வட்டார வளா்ச்சி அலுவலக அதிகாரிகளிடம் பலமுறை புகாா் அளித்தும் எந்த நடவடிக்கையும் இல்லை. எனவே, காவல் துறையினா் இதுகுறித்து உரிய விசாரணை செய்து நடவடிக்கை எடுக்க வேண்டும் எனத் தெரிவித்துள்ளனா்.