ஊராட்சிக்கோட்டை குடிநீர்த் திட்ட பிரதான குழாய் அமைக்கும் பணி நடைபெறவுள்ளதால் சென்னிமலை சாலையில் உள்ள பகுதிகளுக்கு வரும் ஜூன் 25 ஆம் தேதி முதல் 27 ஆம் தேதி வரை 3 நாள்களுக்கு குடிநீர் விநியோகம் ரத்து செய்யப்படுவதாக மாநகராட்சி அறிவித்துள்ளது.
ஈரோடு மாநகராட்சி மண்டலம் 3 மற்றும் 4-க்குள்பட்ட சென்னிமலை சாலை குடிநீர் மேல்நிலை நீர்த்தேக்கத் தொட்டிக்கு ஊராட்சிக்கோட்டையில் இருந்து தண்ணீர் கொண்டு வரும் தனிக் குடிநீர் திட்டப் பணிகளுக்கான பிரதானக் குழாய் அமைக்கும் பணிகள் நடைபெறவுள்ளது.
இப்பணியின் காரணமாக மாநகராட்சி மண்டலம் 3-க்குள்பட்ட வார்டு எண்கள் 41, 44,45 மற்றும் முத்தம்பாளையம் வீட்டுவசதி வாரியப் பகுதிகளான வார்டு எண்கள் 34,37, மேலும் மண்டலம் 4-க்குள்பட்ட வார்டு எண்கள் 46,48,51,52 ஆகிய வார்டு பகுதிகளுக்கு வரும் ஜூன் 25ஆம் தேதி முதல் 27ஆம் தேதி வரை 3 நாள்களுக்கு குடிநீர் விநியோகம் ரத்து செய்யப்படுகிறது.
மாநகராட்சி ஆணையர் எம்.இளங்கோவன் வெளியிட்ட செய்திக்குறிப்பில் இத்தகவல் தெரிவிக்கப்பட்டுள்ளது.