Enable Javscript for better performance
ஜவ்வரிசி, ஸ்டார்ச் இருப்பு வைக்க விவசாயிகளுக்கு அனுமதி அளிக்க கோரிக்கை- Dinamani

உடனுக்கு உடன் செய்திகள்

    ஜவ்வரிசி, ஸ்டார்ச் இருப்பு வைக்க விவசாயிகளுக்கு அனுமதி அளிக்க கோரிக்கை

    By DIN  |   Published On : 24th March 2019 03:27 AM  |   Last Updated : 24th March 2019 03:27 AM  |  அ+அ அ-  |  


    மரவள்ளி கிழங்கை ஜவ்வரிசி, ஸ்டார்ச் மாவாக மாற்றி கட்டுபடியாகும் விலை கிடைக்கும் வரை சேமித்து வைக்க விவசாயிகளுக்கு அரசு அனுமதி அளிக்க வேண்டும் என கோரிக்கை விடுக்கப்பட்டுள்ளது. 
     இது குறித்து தமிழ்நாடு சிறு, குறு விவசாயிகள் சங்க மாநிலத் தலைவர் கே.ஆர்.சுதந்திரராசு, தமிழக முதல்வருக்கு அனுப்பிய கோரிக்கை மனு விவரம்:
     ஆந்திரம் மற்றும் தமிழகத்தில் உள்ள ஈரோடு, சேலம், நாமக்கல், தருமபுரி, கிருஷ்ணகிரி மாவட்டங்களில்  மரவள்ளி கிழங்கு அதிக அளவு பயிரிடப்படுகிறது. இதன் அறுவடைக் காலம் நவம்பர் முதல் பிப்ரவரி மாதம் வரை. மற்றக் காலங்களில் ஒரு சில குறிப்பிட்ட இடங்களில் மட்டும் பயிரிடப்பட்டு அறுவடை செய்யப்படுகிறது. கடந்த ஆண்டு மரவள்ளிக்கிழங்கு பயிரிடப்படும் பகுதியில் 20 சதவிகிதம் மட்டுமே பருவமழை பெய்தது.  
     இதனால் ஈரோடு, திருப்பூர், கரூர் மாவட்டங்களில் கீழ்பவானி பாசனம் மூலம் மட்டும் நடவாகியுள்ளது. மற்றப் பகுதிகளில் மழை இல்லாத காரணத்தால் சாகுபடி செய்யப்படவில்லை. கடுமையான தண்ணீர் பற்றாக்குறையும் நிலவுகிறது.  கடந்த நவம்பர் முதல் பிப்ரவரி வரையில் மரவள்ளி ஒரு டன்னுக்கு குறைந்தபட்சமாக ரூ.4,500 முதல் ரூ.6,000 வரை விற்பனையானது. 
    அதுவும் ஈரோடு மாவட்ட ஆட்சியரின் முத்தரப்புக் கூட்டம் மூலம் ரூ.6,000 விலை பரிந்துரைக்கப்பட்டதால் விற்பனையானது. 
      2 ஆண்டுகளுக்குப் பிறகு சேகோ ஆலைகளுக்கு ஒரு டன் கிழங்கு ரூ.9,500 முதல் ரூ.10,000 வரையும், உணவுக்காக கேரளத்துக்கு அனுப்பப்படும் கிழங்கு ரூ.11,000 முதல் ரூ.12,000 வரை விற்கப்படுகிறது. சேகோ ஆலை மூலம் விற்கப்படும் 90 கிலோ கொண்ட ஜவ்வரிசி கடந்த ஜனவரி மாதத்தில் ரூ.3,300 ஆக இருந்தது. தற்போது, ரூ.5,050  ஆக விலை உயர்ந்துள்ளது.
     இதுபோல் ஸ்டார்ச் மாவு 90 கிலோ மூட்டை ரூ.2,200 இருந்து ரூ.2,750 ஆகவும், கிழங்குமாவு 70 கிலோ மூட்டை ரூ.1,400 இருந்து ரூ.1,900 ஆக விலை உயர்ந்துள்ளது. இந்த விலை உயர்வால் ஆலை உரிமையாளர்களும், வியாபாரிகளும்தான் பயன் பெறுகின்றனர். பெரும்பாலான விவசாயிகளுக்கு எவ்வித பயனும் இல்லை.
     அறுவடைக் காலங்களில் விலை குறைந்தும், அறுவடைக் காலத்துக்கு பிறகு விலை உயரும். இதில் அரசு உரிய நடவடிக்கை எடுத்து அதிகமாக ஆலை உள்ள பகுதியினான நாமக்கல் மாவட்டம், ராசிபுரத்தில் மரவள்ளிக்கிழங்கு வாரியம் அமைக்க வேண்டும்.
     அதே சமயம் மரவள்ளிக்கிழங்கை 12 மாதங்களுக்கு மேல் நிலத்தில் வைத்திருக்க முடியாது. கிழங்கை சேகோ ஆலை மூலம் ஜவ்வரிசியாகவோ அல்லது ஸ்டார்ச் மாவாகவே மாற்றி, அதற்கு கட்டுப்படியாகும் விலை கிடைக்கும் வரை சேமித்து வைக்க அரசு அனுமதிக்க வேண்டும். அப்படி செய்தால் மட்டும் விவசாயிகளுக்கும் உரிய விலை கிடைக்கும். 
     அதே சமயம் இறக்குமதி செய்யப்படும் மக்காசோளம் ஸ்டார்ச் மற்றும் சேகோ ஸ்டார்ச்சை முற்றிலும் தடை செய்ய நடவடிக்கை எடுக்க வேண்டும். மரவள்ளிகிழங்கு மாவுச்சத்தின் அளவில் அதிகபட்சமாக 28 பாய்ண்ட் என்ற அடிப்படையில் கொள்முதல் செய்யப்படுகிறது. அதனை கடந்த 5 ஆண்டுகளுக்கு முன்பு இருந்ததை போல 30 பாய்ண்ட் என்ற அடிப்படையில் உயர்த்தி கொள்முதல் செய்ய வேண்டும் எனத் தெரிவித்துள்ளார்.
     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp