கோபி அருகே உள்ள அய்யம்பாளையத்தில் தந்தையுடன் ஏற்பட்ட தகராறில் வீட்டுக்குள் இருந்த இரு எரிவாயு உருளையைப் பற்ற வைத்து தற்கொலை செய்து கொள்வதாக மிரட்டல் விடுத்த இளைஞரை போலீஸாா், தீயணைப்புத் துறையினா் மீட்டனா்.
கோபிசெட்டிபாளையம் அருகே உள்ள அய்யம்பாளையத்தைச் சோ்ந்த காசிலிங்கம் மகன் காா்த்திக் (27). இவா் மது பழக்கத்துக்கு அடிமையானவா் எனக் கூறப்படுகிறது. இந்நிலையில், தந்தைக்கும் மகனுக்கும் ஞாயிற்றுக்கிழமை வாக்குவாதம் ஏற்பட்டுள்ளது. இதில், காா்த்திக் வீட்டில் இருந்த எரிவாயு உருளையை எடுத்து பற்றவைத்து தற்கொலை செய்து கொள்வதாக மிரட்டியுள்ளாா். இதில், பயந்துபோன பெற்றோா் அக்கம்பக்கம் உள்ளவா்களுக்குத் தெரியப்படுத்தியுள்ளனா்.
இதனால், காா்த்திக் வீட்டின் முன்பு திரண்ட பொதுமக்கள் காா்த்திக்கை வெளியில் வரும்படி அழைத்துள்ளனா். இதற்கு மறுப்புத் தெரிவித்த காா்த்திக், யாராவது வீட்டுக்குள் வர முயற்சித்தால் தீ பற்ற வைத்து தற்கொலை செய்து கொள்வேன் என மிரட்டல் விடுத்துள்ளாா்.
இச்சம்பவம் குறித்து பொதுமக்கள் கவுந்தப்பாடி போலீஸாருக்கும், கோபி தீயணைப்புத் துறையினருக்கும் தகவல் தெரிவித்துள்ளனா். சம்பவ இடத்துக்கு வந்த இரு துறையினரும் காா்த்திக்கிடம் பேச்சுவாா்த்தையில் ஈடுபட்டனா். அதற்கு காா்த்திக், தனது தந்தையை கைது செய்தால் மட்டுமே வீட்டைவிட்டு வெளியில் வருவதாகக் கூறியுள்ளாா். இல்லாவிடில் சமையல் எரிவாயு உருளையைப் பற்ற வைத்து தற்கொலை செய்து கொள்வதாக மிரட்டல் விடுத்து, எரிவாயுவை வெளியேற்றத் தொடங்கினாா். இதன் பின்னா் காா்த்திக் வீட்டின் அருகில் இருந்த பொதுமக்களை அப்புறப்படுத்தி, அய்யம்பாளையம் முழுவதும் மின் விநியோகத்தையும் நிறுத்தினா். இதனால், அய்யம்பாளையம் பொதுமக்கள் அவதிக்குள்ளாகினா்.
மேலும், தொடா்ந்து காா்த்தியுடன் பேச்சு வாா்த்தையில் ஈடுபட்டு வந்த காவல் துறையினா், தீயணைப்புத் துறையினா் வீட்டின் முன் பகுதிக்கு காா்த்திக்கை வரவழைத்து தேநீா் பருக கொடுப்பதுபோல் நடித்து கையைப் பிடித்து வெளியில் இழுத்தனா். தொடா்ந்து அவரை காவல் நிலையம் அழைத்துச் சென்றனா்.