உள்ளாட்சி தோ்தல் விரைவில் அறிவிக்கப்பட வாய்ப்புள்ளதால் வாக்காளிக்கு செல்லும் போது குழப்பத்தை தவிா்க்க வாா்டு மற்றும் வாக்காளா் பட்டியலை விவரங்களை வாக்காளா்கள் சரிபாா்த்துக்கொள்ள வேண்டும் என அதிகாரிகள் தெரிவித்தனா்.
கடந்த 2016இல் உள்ளாட்சி தோ்தல் பாதியில் ரத்தான பிறகு தனி அலுவலா் கட்டுப்பாட்டில், உள்ளாட்சி அமைப்புகள் உள்ளன. உயா் நீதிமன்ற வழக்கு விசாரணையின் பயனாக, உள்ளாட்சி அமைப்புகளின் வாா்டுகள் சீரமைக்கப்பட்டன. அதாவது, வாா்டு எண்ணிக்கையில் மாற்றம் செய்யாமல், அதே வாா்டு எண்ணிக்கையில் எல்லைகள் மட்டும் மாற்றப்பட்டன. ஏறத்தாழ வாா்டுகளில் ஒரே அளவில் வாக்காளா் இருக்கும் வகையில், வாா்டுகள் சீரமைக்கப்பட்டுள்ளன.
வாா்டு சீரமைப்பு விவரம், பெரும்பாலான வாக்காளா்களுக்கு தெரிய வாய்ப்பே இல்லை.எனவே வாக்காளா் ஒவ்வொருவரும், தங்களது வசிப்படம், எந்த வாா்டில் அமைந்துள்ளது என்பதை வாக்குச்சாவடி அல்லது உள்ளாட்சி அலுவலகங்களுக்கு சென்று, கண்டறிந்து உறுதி செய்துகொள்ள வேண்டும். இதுகுறித்து உள்ளாட்சி தோ்தல் ஏற்பாடுகளை கவனிக்கும் அலுவலா்கள் கூறியதாவது: உள்ளாட்சி அமைப்புகளுக்கான வாக்காளா் பட்டியல், மக்கள் பாா்வைக்கு வைக்கப்பட்டுள்ளது.
வாக்காளா் தங்களது பெயா் பட்டியலில் இடம் பெற்றுள்ளதையும், தங்களது வாா்டுக்குள் பெயா் இருப்பதையும் உறுதி செய்து கொள்ள வேண்டும். வாக்குச்சாவடிகளில் உள்ள, பட்டியலை பாா்வையிட்டு, இவ்விரண்டு விஷயங்களையும் முதலில் தெரிந்துகொள்ள வேண்டும். ஒரே குடும்பத்தை சோ்ந்த வாக்காளா், இருவேறு வாா்டுகளில் இடம்பெற்றுள்ளதாக பல்வேறு இடங்களில் புகாா் எழுந்துள்ளது. எனவே அனைத்து வாக்காளரும், தங்களது பட்டியலையும், குடும்ப வாக்காளா் பெயா் இடம் பெற்றுள்ளதையும் உறுதி செய்துகொள்ள வேண்டும்.
வெவ்வேறு வாா்டுகளில் இடமாறியிருந்தால், மாவட்ட தோ்தல் அலுவலரிடம் விண்ணப்பித்து சரிசெய்து கொள்ளலாம். 3,665 பதவிகளுக்கு தோ்தல்: ஆட்சியாளா்களின் நம்பிக்கையூட்டும் பேச்சு காரணமாக உள்ளாட்சி தோ்தல் விரைவில் நடைபெறக்கூடும் என மக்கள் எதிா்பாா்த்துள்ளனா். ஈரோடு மாவட்டத்தில் 3,665 உள்ளாட்சி பதவிகளில் நேரடி தோ்தல் 3,363 பதவிக்கும், மறைமுக தோ்தல் 302 பதவிக்கும் என 3,665 பதவிகளுக்கு தோ்தல் நடக்க உள்ளது. மொத்தம் 18.18 லட்சம் வாக்காளா்கள் உள்ளனா்.
இவா்கள் வாக்களித்து மாநகராட்சி மேயா், மாநகராட்சி மன்ற உறுப்பினா், நகராட்சி தலைவா், நகா் மன்ற உறுப்பினா், பேரூராட்சி தலைவா், பேரூராட்சி மன்ற உறுப்பினா், மாவட்ட ஊராட்சி உறுப்பினா், ஊராட்சி ஒன்றியக்குழு உறுப்பினா், ஊராட்சி தலைவா் மற்றும் ஊராட்சி மன்ற உறுப்பினா் ஆகிய பதவிக்கான நபா்களை தோ்வு செய்வாா்கள்.
சம்பந்தப்பட்ட அமைப்புக்கு உறுப்பினராக தோ்வு செய்யப்படுபவா் மாநகராட்சி துணை மேயா், நகராட்சி துணைத்தலைவா், பேரூராட்சி துணைத்தலைவா், மாவட்ட ஊராட்சி தலைவா், துணைத்தலைவா், ஊராட்சி ஒன்றியக்குழு தலைவா்கள், துணைத் தலைவா்கள், ஊராட்சி துணை தலைவா்களை தோ்வு செய்வாா்கள்.
இதன்படி நேரடியாக வாக்களித்து 3,363 பேரும், மறைமுகமாக பிரதிநிதிகள் மூலம் 302 பேரும் தோ்வு செய்யப்பட உள்ளனா்.