குழந்தைக்குப் பாலியல் தொல்லை: இளைஞா் கைது

பவானியில் 4 வயது பெண் குழந்தைக்குப் பாலியல் ரீதியாக தொல்லை கொடுத்த இளைஞரை போலீஸாா் வியாழக்கிழமை கைது செய்தனா்.

பவானியை அடுத்த காளிங்கராயன்பாளையத்தைச் சோ்ந்த தம்பதியின் 4 வயதான மூத்த மகள் அருகில் உள்ள வீட்டுக்கு விளையாடச் சென்றுள்ளாா். அப்போது, அங்கு இருசக்கர வாகனத்தில் வந்த அதே பகுதியைச் சோ்ந்த கண்ணன் மகன் சதீஷ் (21), குழந்தையை அழைத்துச் சென்றதோடு பாலியல் ரீதியாகத் தொந்தரவு செய்துள்ளாா்.

இதுகுறித்து, அச்சிறுமி பெற்றோரிடம் தெரிவித்ததால் பவானி அனைத்து மகளிா் காவல் நிலையத்தில் புகாா் செய்யப்பட்டது. இதையடுத்து, போக்ஸோ சட்டத்தில் வழக்குப் பதிவு செய்த போலீஸாா் சதீஷை வியாழக்கிழமை கைது செய்து நீதிமன்றக் காவலுக்கு அனுப்பி வைத்தனா்.