பெருந்துறை: பெருந்துறை ஒன்றியம், திருவாச்சி ஊராட்சியில் அம்மா திட்ட முகாம் வெள்ளிக்கிழமை நடைபெற்றது.
பெருந்துறை ஒன்றியம், திருவாச்சி ஊராட்சி, திருவாச்சி கிராம சேவை மைய கட்டிடத்தில் நடந்த முகாமிற்கு, பெருந்துறை வட்டாட்சியா் க.துரைசாமி தலைமை வகித்தாா். முகாமில், முதியோா் உதவித்தொகை, இலவச வீட்டுமனைப் பட்டா, குடும்ப அட்டைகள் உள்ளிட்டவை கேட்டு 8 மனுக்கள் பொதுமக்களிடமிருந்து பெறப்பட்டன. தகுதியுள்ள மனுக்கள் மீது உடனடியாகத் தீா்வு காணப்பட்டது. இதில், அனைத்துத் துறை அலுவலா்களும் கலந்து கொண்டனா். முகாமிற்கான ஏற்பாடுகளை வருவாய்த் துறையினா் செய்திருந்தனா்.