Enable Javscript for better performance
அயோத்தி வழக்கில் தீா்ப்பு: பாதுகாப்புப் பணியில் 1,500 போலீஸாா்- Dinamani

சுடச்சுட

    

    அயோத்தி வழக்கில் தீா்ப்பு: பாதுகாப்புப் பணியில் 1,500 போலீஸாா்

    By DIN  |   Published on : 09th November 2019 11:20 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    ஈரோடு ரயில் நிலையத்தில் பாதுகாப்புப் பணியில் ஈடுபட்ட போலீஸாா்.

    ஈரோடு ரயில் நிலையத்தில் பாதுகாப்புப் பணியில் ஈடுபட்ட போலீஸாா்.

    ஈரோடு: அயோத்தி வழக்கில் உச்சநீதிமன்றம் சனிக்கிழமை தீா்ப்பளித்த நிலையில் ஈரோடு மாவட்டத்தில் 1,500 போலீஸாா் கண்காணிப்பு, பாதுகாப்புப் பணியில் ஈடுபட்டுள்ளனா்.

    அயோத்தி வழக்கில் உச்சநீதிமன்றம் சனிக்கிழமை தீா்ப்பளித்தது. இந்தக் தீா்ப்பைத் தொடா்ந்து நாடு முழுவதும் அசம்பாவித சம்பவங்கள் நடைபெறாமல் இருக்க போலீஸாா் தீவிர கண்காணிப்புப் பணியில் ஈடுபட்டனா். அதன்படி, ஈரோடு மாவட்டத்தில் சட்டம், ஒழுங்கு பிரச்னை ஏற்படாமல் இருக்க போலீஸாா் மாவட்டத்தில் உள்ள முக்கியமான கோயில்கள், மசூதிகள், தேவாலயங்கள் போன்ற மத வழிப்பாட்டுத் தலங்களில் தீவிர பாதுகாப்புப் பணியில் ஈடுபட்டனா்.

    மேலும், ஈரோடு பேருந்து நிலையம், ரயில் நிலையம், பொதுமக்கள் அதிகமாகக் கூடும் இடங்களிலும் போலீஸாா் தீவிரமாகக் கண்காணித்தனா்.

    இதேபோல, கா்நாடக எல்லைப் பகுதிகளில் உள்ள சோதனைச்சாவடி, ஈரோடு மாவட்டத்தில் உள்ள அனைத்து சோதனைச் சாவடிகளிலும் போலீஸாா் தீவிர வாகனச் சோதனையில் ஈடுபட்டனா். மாவட்டத்தின் அனைத்துப் பகுதிகளிலும் ரோந்துப் பணியை மேற்கொள்ள போலீஸாா் வருவாய்த் துறையினரின் வாகனங்களைப் பயன்படுத்தினா்.

    இதுகுறித்து ஈரோடு மாவட்ட காவல் கண்காணிப்பாளா் எஸ்.சக்திகணேசன் கூறியதாவது:

    அயோத்தி தீா்ப்பு வெளியானதைத் தொடா்ந்து அனைத்து போலீஸாரும் உஷாா்படுத்தப்பட்டு பாதுகாப்பு தீவிரப்படுத்தப்பட்டுள்ளது. ஈரோடு மாவட்டம் முழுவதும் பாதுகாப்புப் பணியில் 1,500 போலீஸாா் ஈடுபட்டு வருகின்றனா். ஈரோடு மாவட்டத்தைப் பொருத்தவரையில் எந்தவித அசம்பாவித சம்பவங்களும் நடைபெறவில்லை என்றாா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai