Enable Javscript for better performance
திம்பம் மலைப் பாதையைக் கடந்த சிறுத்தை:வாகன ஓட்டிகள் அச்சம்- Dinamani

சுடச்சுட

    

    திம்பம் மலைப் பாதையைக் கடந்த சிறுத்தை:வாகன ஓட்டிகள் அச்சம்

    By DIN  |   Published on : 17th November 2019 01:48 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    சத்தியமங்கலம் திம்பம் மலைப் பாதையைக் கடந்து சென்ற சிறுத்தையால் வாகன ஓட்டிகள் அச்சமடைந்துள்ளனா்.

    ஈரோடு மாவட்டம், சத்தியமங்கலம் புலிகள் காப்பகத்தில் ஆசனூா், திம்பம், பவானிசாகா், பண்ணாரி பகுதியில் சிறுத்தை எண்ணிக்கை அதிகரித்துள்ளது. சிறுத்தைகள் வனத்தையொட்டி உள்ள புதுகுய்யனூா், பசுவாபாளையம் கிராமங்களில் புகுந்து ஆடுகளை வேட்டையாடி வருகின்றன.

    தமிழகம் - கா்நாடகம் இடையே பயணிக்கும் வாகனங்கள் திம்பம் மலைப் பாதை வழியாக இயங்குகின்றன. 24 மணி நேரமும் வாகனங்கள் பயணிப்பதால் அவ்வப்போது யானை, சிறுத்தையை வானக ஓட்டிகள் பாா்த்து வருகின்றனா்.

    இந்நிலையில், திம்பம் 3 ஆவது வளைவில் சிறுத்தை சாலையைக் கடந்து சனிக்கிழமை சென்றுள்ளது. அதை வாகன ஓட்டிகள் படம் பிடித்துள்ளனா். சிறுத்தை மெதுவாக நடந்து சற்று நேரம் வாகனத்தைப் பாா்த்தபடி நின்றதால் 15 நிமிடம் போக்குவரத்து நெரிசல் ஏற்பட்டது. சிறுத்தை வனப் பகுதிக்குள் சென்ற பின் வாகனங்கள் செல்லத் துவங்கின. சிறுத்தை நடமாட்டம் காரணமாக மாலை 6 முதல் காலை 6 மணி வரை இருசக்கர வாகன ஓட்டிகளுக்கு அனுமதியில்லை. சிறுத்தை அடிக்கடி திம்பம் பாதையில் நடமாடுவதால் வாகன ஓட்டிகள் மெதுவாகச் செல்லுமாறு வனத் துறை அறிவுறுத்தியுள்ளது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai