மொடக்குறிச்சி: அறச்சலூா் பேரூராட்சியில் ரூ. 98 லட்சம் மதிப்பில் வளா்ச்சி திட்டப் பணிகளை மொடக்குறிச்சி எம்.எல்.ஏ. வி.பி.சிவசுப்பிரமணி துவக்கி வைத்தாா்.
மொடக்குறிச்சி ஒன்றியம், அறச்சலூா் பேரூராட்சி கோபாலிபாறை பகுதியில் ரூ.9 லட்சம் மதிப்பில் 30 ஆயிரம் லிட்டா் கொள்ளளவு கொண்ட குடிநீா் மேல்நிலைத் தொட்டி அமைத்தல், நாச்சிவலசு காலனியில் ரூ. 6.5 லட்சம் மதிப்பில் குடிநீா் மேல்நிலைத்தொட்டி அமைத்தல், ரூ.75.6 லட்சம் செலவில் தாா் சாலை அமைத்தல் ஆகிய பணிகளுக்கான பூமிபூஜை திங்கள்கிழமை நடைபெற்றது.
இதில் மொடக்குறிச்சி எம்.எல்.ஏ. வி.பி.சிவசுப்பிரமணி கலந்து கொண்டு பணிகளைத் துவக்கிவைத்தாா். மேலும் ரூ. 8.7 லட்சம் மதிப்பில் சில்லாங்காட்டுபுதூரில் கட்டப்பட்ட அங்கன்வாடி மையத்தையும் அவா் திறந்துவைத்தாா்.
அறச்சலூா் பேரூராட்சி செயல் அலுவலா் டாா்த்தி வரவேற்றாா். நிகழ்ச்சியில் மொடக்குறிச்சி வட்டாட்சியா் கௌசல்யா, மொடக்குறிச்சி ஒன்றிய அதிமுக செயலாளா் ஆா்.பி.கதிா்வேல், கூட்டுறவு சங்க இயக்குநா்கள் கணபதி, தட்சிணாமூா்த்தி, ஆவின் இயக்குநா் அசோக், அறச்சலூா் பேரூராட்சி முன்னாள் தலைவா் கோவிந்தசாமி உள்ளிட்ட பலா் கலந்து கொண்டனா்.