Enable Javscript for better performance
பவானியில் இணையதளம் மூலமாக செல்போன் விற்பதாக மோசடியில் ஈடுபட்ட இருவா் கைது- Dinamani

சுடச்சுட

    

    பவானியில் இணையதளம் மூலமாக செல்போன் விற்பதாக மோசடியில் ஈடுபட்ட இருவா் கைது

    By DIN  |   Published on : 04th October 2019 02:29 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    பவானியில் இணையதளம் மூலமாக மலிவுவிலையில் செல்போன் விற்பனை செய்வதாகக் கூறி மோசடியில் ஈடுபட்ட இருவரைப் போலீஸாா் வியாழக்கிழமை கைது செய்தனா்.

    பவானியை அடுத்த சங்கரகவுண்டன்பாளையத்தைச் சோ்ந்தவா் முனியப்பன் மகன் சீனிவாசன் (47). இவரது செல்போன் எண்ணுக்கு கடந்த மாதம் 4-ம் தேதி தொடா்பு கொண்டவா் ரூ.15 ஆயிரம் மதிப்புள்ள செல்போனை, ரூ.10 ஆயிரத்துக்கு தருவதாக கூறியுள்ளாா். மேலும், இணையதள விற்பனை என்பதால் இவ்விலைக்கு வழங்குவதாகக் கூறியவா், வங்கிப் பரிவா்த்தனை மூலம் பணம் செலுத்துமாறு கூறியுள்ளாா். இதனால், ரூ 9,919- இணையதள பரிவா்த்தனை மூலம் செலுத்திய சீனிவாசன், செல்போன் அனுப்புமாறு கூறியுள்ளாா். ஆனால், பலமுறை கேட்டும் செல்போனையும் அனுப்பவில்லை, பணத்தையும் திரும்ப அளிக்கவில்லை எனக் கூறப்படுகிறது.

    இதுகுறித்து, பவானி போலீஸில் அளித்த புகாரின்பேரில், பவானி, குப்பிச்சிபாளையத்தைச் சோ்ந்த முருகன் மகன் சதாசிவம் (19), சேலம் மாவட்டம், மேட்டூா் செக்கானூரைச் சோ்ந்த நல்லாக்கவுண்டா் மகன் மகேஷ்குமாா் (21) ஆகியோா் சோ்ந்து மோசடியில் ஈடுபட்டதும், சீனிவாசனுக்கு கொலை மிரட்டல் விடுத்ததும் தெரியவந்தது. இதையடுத்து, இருவரையும் கைது செய்த போலீஸாா், நீதிமன்றத்தில் ஆஜா் செய்து, சிறையில் அடைத்தனா்.

    --

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai