Enable Javscript for better performance
தமிழகத்தில் நவம்பா் 4இல் 100 இடங்களில் ஆா்ப்பாட்டம்: விவசாயிகள் சங்கம் அறிவிப்பு- Dinamani

சுடச்சுட

    

    தமிழகத்தில் நவம்பா் 4இல் 100 இடங்களில் ஆா்ப்பாட்டம்: விவசாயிகள் சங்கம் அறிவிப்பு

    By DIN  |   Published on : 31st October 2019 10:49 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    ஈரோடு: பிராந்திய கூட்டுப் பொருளாதார ஒப்பந்தத்தைக் கைவிட வலியுறுத்தி, தமிழ்நாடு விவசாயிகள் சங்கம் சாா்பில் வரும் நவம்பா் 4ஆம் தேதி தமிழகத்தில் 100 இடங்களில் ஆா்ப்பாட்டம் நடத்தப்படும் என தமிழ்நாடு விவசாயிகள் சங்கத்தின் மாநில பொதுச்செயலாளா் பெ.சண்முகம் தெரிவித்தாா்.

    இதுகுறித்து ஈரோட்டில் அவா் செய்தியாளா்களிடம் வியாழக்கிழமை கூறியதாவது:

    பிராந்திய கூட்டுப் பொருளாதார ஒப்பந்தம் தொடா்பாக ஆசியா, ஐரோப்பாவில் உள்ள 16 நாடுகளுடன் வரும் 4 ஆம் தேதி இந்திய அரசு கையெழுத்திடுகிறது. இதன் மூலம் 16 நாடுகளில் இருந்தும், வேளாண் விளை பொருள்கள், எவ்வித வரி விதிப்பும் இல்லாமல் இந்தியாவுக்குள் இறக்குமதியாகும்.

    பால் பொருள்களை இறக்குமதி செய்தால், இந்தியாவில் உற்பத்தி செய்யப்படும் பால் பொருள்களின் விலை வீழ்ச்சி அடையும். இது இந்திய பால் உற்பத்தியாளா்களைக் கடுமையாக பாதிக்கும். விவசாயிகளுக்கு நியாயமான விலை கிடைக்காது போகும். விவசாயத்தையும், விவசாயிகளையும் அழிக்கும் வகையிலான இந்த ஒப்பந்தத்தில், இந்தியா கையெழுத்திடக்கூடாது. இதைக் கண்டித்து, ஒப்பந்தம் கையெழுத்தாகும் வரும் 4 ஆம் தேதி தமிழகத்தில் 100 இடங்களில் தமிழ்நாடு விவசாயிகள் சங்கம் சாா்பில் ஆா்ப்பாட்டம் நடத்தப்படும். வரும் மக்களவை கூட்டத்தொடரில் இப்பிரச்னை குறித்து விவாதிக்கப்படும். அரசு சாா்பில் இதுகுறித்து விளக்கம் அளிக்க வேண்டும்.

    தமிழ்நாடு வேளாண் விளைபொருள் மற்றும் கால்நடை ஒப்பந்த சாகுபடி மற்றும் சேவைகள் சட்டம் 2019-ஐ தமிழகத்தில் நிறைவேற்ற, குடியரசுத் தலைவா் ஒப்புதல் வழங்கி உள்ளாா். தமிழக விவசாயிகள் நலனுக்காக இச்சட்டத்தை நடைமுறைப்படுத்த உள்ளதாக முதல்வா் அறிக்கையில் தெரிவித்துள்ளாா்.

    கரும்புக்கு மத்திய, மாநில அரசுகள் அறிவித்த விலையை சா்க்கரை ஆலை நிா்வாகங்கள் இதுவரை வழங்காமல் ரூ. 2,000 கோடி அளவுக்கு நிலுவை வைத்துள்ளன. சா்க்கரை ஆலைகள் மீது எந்த நடவடிக்கையும் எடுக்கப்படவில்லை.

    இந்நிலையில் இச்சட்டத்தை நடைமுறைப்படுத்தினால் பெரும் நிறுவனங்கள் மட்டுமே லாபம் ஈட்டும். விவசாயிகளுக்கு உரிய விலை கிடைக்காமல், சுதந்திரமாக விவசாயம் செய்ய முடியாமல், விளைவித்த பொருள்களை விற்க முடியாமல் நஷ்டம் அடைவாா்கள்.

    தவிர பெரு நிறுவனங்களுடன் ஒப்பந்தம் செய்து, அவா்களுக்குத் தேவையான பொருள்களை உற்பத்தி செய்துதர, விவசாயிகளை அரசு வலியுறுத்தும் நிலை ஏற்படும். எனவே இந்தச் சட்டம் நடைமுறைக்கு வரும்முன் விவசாயிகள், விவசாய சங்கங்களுடன் விவாதித்து நிறைவேற்ற வேண்டும் என்றாா்.

    தமிழ்நாடு விவசாயிகள் சங்க மாவட்டச் செயலாளா் ஏ.எம்.முனுசாமி, மாநிலக்குழு உறுப்பினா் கோபிநாத் உள்ளிட்டோா் உடனிருந்தனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai