சுடச்சுட

    

    இரண்டாம் பருவ பாடப்புத்தகம் அக்டோபர் 3 ஆம் தேதி  விநியோகம்

    By DIN  |   Published on : 12th September 2019 09:54 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    ஈரோடு மாவட்டத்தில் 1 முதல் 8 ஆம் வகுப்பு மாணவர்களுக்கு இரண்டாம் பருவ பாடப்புத்தகம் அக்டோபர் 3 ஆம் தேதி வழங்கப்படும் என அதிகாரிகள் தெரிவித்தனர். 
    இதுகுறித்து பள்ளிக் கல்வித் துறை அதிகாரிகள் கூறியதாவது: ஈரோடு மாவட்டத்தில் உள்ள அரசு, அரசு உதவி பெறும் பள்ளிகள், மாநகராட்சி, நகராட்சி பள்ளிகளில் 1 முதல் 12 ஆம் வகுப்பு மாணவர்களுக்கு வியாழக்கிழமை (செப்டம்பர் 12) முதல் பருவத் தேர்வு துவங்குகிறது. இத்தேர்வு 23 ஆம் தேதி வரை நடைபெறுகிறது.
    பின்னர் விடுமுறை முடிந்து அக்டோபர் 3 ஆம் தேதி இரண்டாம் பருவம் துவங்க உள்ளது. இதில் மாவட்டத்தில் 1 முதல் 5 ஆம் வகுப்பு வரை 75,000 மாணவர்கள், 6, 7, 8 ஆம் வகுப்புகளில் 51,000 மாணவர்கள் படிக்கின்றனர். இவர்களுக்கு இரண்டாம் பருவ பாடப் புத்தகம் தேவை குறித்து அரசுக்குப் பரிந்துரை கடிதம் அனுப்பி வைக்கப்பட்டுள்ளது. 
    1 முதல் 8 ஆம் வகுப்பு வரை பயிலும் மாணவ, மாணவிகளுக்கு விடுமுறை முடிந்து மீண்டும் பள்ளிக்கு வரும் முதல் நாளில் பாடப்புத்தகம், நோட்டுகள் வழங்கப்படும். இதற்கான நடவடிக்கைகள் மேற்கொள்ளப்பட்டுள்ளது என்றனர்.
     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai