திறன் போட்டிகளில் சிறப்பிடம் பெற்ற கொங்கு ஆர்க்கிடெக்சர் கல்லூரி மாணவர்களுக்கு கல்லூரி நிர்வாகம் சார்பில் பாராட்டுத் தெரிவிக்கப்பட்டது.
பெருந்துறை கொங்கு ஆர்கிடெக்சர் கல்லூரி இரண்டாம் ஆண்டு மாணவர் நவீன்குமார் கோவையில் அண்மையில் நடைபெற்ற உஷு எனப்படும் மரபார்ந்த சீனச் சண்டைக் கலைகளை அடிப்படையாகக் கொண்ட ஒருவரோடு ஒருவர் மோதும் உடல் திறன் விளையாட்டு சாம்பியன்ஷிப் போட்டியில் தங்கப் பதக்கம் பெற்றுள்ளார்.
நாகப்பட்டினத்தில் அண்மையில் தேசிய அளவில் நடைபெற்ற ஆர்கிடெக்சர் கல்லூரிகளுக்கு இடையிலான போட்டிகளில் மாணவர் கிரி, போட்டோகிராபி போட்டியில் முதலிடமும், மாணவர்கள் தரணீதரன், பிரமோத்குமார் ஆகியோர் ஆர்கிடெக்சர் டிசைன் போட்டியில் சிறப்புப் பரிசையும் பெற்றனர். சிறப்பிடம் பெற்ற மாணவர்களை கொங்கு பொறியியல், ஆர்கிடெக்சர் கல்லூரிகளின் தாளாளர் பி.சச்சிதானந்தம், பொறியியல் கல்லூரி முதல்வர் வி.பாலுசாமி, ஆர்கிடெக்சர் கல்லூரி டீன் பி.எஸ்.கோதை, ஆசிரியர்கள் பாராட்டினர்.