சுடச்சுட

    

    செப்டம்பர் 18இல் மின் வாரிய ஓய்வூதியர்கள் குறைதீர் கூட்டம்

    By DIN  |   Published on : 13th September 2019 08:08 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    மின் வாரிய ஓய்வூதியர்கள் குறைதீர் கூட்டம் ஈரோட்டில் செப்டம்பர் 18 ஆம் தேதி (புதன்கிழமை) நடைபெறவுள்ளது. 
    இதுகுறித்து மின் வாரிய தலைமைப் பொறியாளர் வரத.சந்திரசேகரன் வெளியிட்ட செய்திக் குறிப்பு:
    தமிழ்நாடு மின் உற்பத்தி, பகிர்மானக் கழகம் சார்பில், ஈரோடு மண்டலம் அதன் பகுதிக்கு உள்பட்ட பிற அலுவலகங்களில் பணிபுரிந்து ஓய்வுபெற்ற அலுவலர்கள், பணியாளர்களின் குறைகளை நேரில் கேட்கவும், மனுக்களைப் பெற்று தீர்வு காணவும் மூன்று பேர் கொண்ட குழு அமைக்கப்பட்டுள்ளது.
    இக்குழுவினர் ஒவ்வோர் காலாண்டுக்கும் ஒரு முறை ஈரோடு மண்டல அலுவலகத்தில் கூடி மின் வாரியத்தில் இருந்து ஓய்வு பெற்ற அலுவலர்கள், பணியாளர்களின் குறைகளை நேரில் கேட்டு,  மனுக்களைப் பெற்று உரிய நிவாரணம் வழங்கி நடவடிக்கை எடுத்து வருகின்றனர்.
    மூன்றாம் காலாண்டுக்கான குறைதீர் கூட்டம் செப்டம்பர் 18 ஆம் தேதி காலை 11 மணிக்கு மின் வாரிய ஆய்வு மாளிகை, 948, ஈ.வி.என்.சாலை, ஈரோடு என்ற முகவரியில் நடைபெற உள்ளது. மின் வாரியத்தில் இருந்து ஓய்வு பெற்ற அலுவலர்கள், பணியாளர்கள் தங்கள் குறைகளுக்குத் தீர்வு காணலாம். தனி நபர் மனுக்கள் ஓய்வு பெற்றோர் சங்கங்களின் கோரிக்கைகள் முற்பகலில் மனுவாகப் பெறப்படும்.
     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai