ஆடிப்பட்ட விதைப்புக்குத் தரமான விதைகளைத் தோ்வு செய்து விதைத்தால் கூடுதல் மகசூல் பெறலாம் என ஈரோடு விதைப் பரிசோதனை நிலைய வேளாண் அலுவலா் ஜெ.வனிதா தெரிவித்துள்ளாா்.
இது குறித்து அவா் வெளியிட்ட செய்திக் குறிப்பு:
விதைத் தர நிா்ணயம் என்பது ஒவ்வொரு பயிருக்கும் மாறுபடும். தேவையான பயிா் எண்ணிக்கையைப் பராமரிக்க நல்ல முளைப்புத் திறன் தேவை. நல்ல முளைப்புத் திறன் கொண்ட விதைகளைப் பயன்படுத்தும்போது, தேவையான விதையை மட்டும் விதைப்பதால் விதை செலவு குறையும்.
ஆடிப்பட்டத்தில் (ஜூலை, ஆகஸ்ட்) தானியப் பயிா்களை விதைக்கும் விவசாயிகள், மக்காசோளத்தில் கோ 6, பேபி காா்ன் கோ (பி.சி.) 1 ரகங்கள், சோளத்தில் கோ(எஸ்)28, கோ 30, பி.எஸ்.ஆா் 1, பையூா் 2 ரகங்கள், கம்புப் பயிருக்கு கோ 7, கோ(சி.யூ) 9 போன்ற ரகங்களைத் தோ்வு செய்யலாம்.
இந்த விதைகளை இருப்புவைத்துள்ள விவசாயிகள், விற்பனையாளா்கள் விதைக்கும் முன் முளைப்புத் திறனைப் பரிசோதனை செய்து, விதை தரத்தில் தோ்ச்சி பெற்ற விதைகளை விதைப்பதன் மூலம் குறைந்த விதையில் பயிா் எண்ணிக்கையைப் பெருக்கி நிறைந்த மகசூல் பெறலாம்.
ஒரு விதை மாதிரிக்கு ரூ. 30 என்ற கட்டணத்தில் விதையின் புறத்தூய்மை, முளைப்புத் திறன், ஈரப்பதம், பிற ரக கலப்பு ஆகிய பரிசோதனை மேற்கொள்ளப்படுகிறது எனத் தெரிவிக்கப்பட்டுள்ளது.