Enable Javscript for better performance
பண்பாட்டின் தொடா்ச்சியை அறிந்துகொள்ள அகழ்வாராய்ச்சி அவசியம்: த.உதயச்சந்திரன்- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் கோயம்புத்தூர் ஈரோடு

    பண்பாட்டின் தொடா்ச்சியை அறிந்துகொள்ள அகழ்வாராய்ச்சி அவசியம்: த.உதயச்சந்திரன்

    By DIN  |   Published On : 03rd August 2020 12:32 AM  |   Last Updated : 03rd August 2020 12:32 AM  |  அ+அ அ-  |  

    பண்பாட்டின் தொடா்ச்சியை அறிந்துகொள்ளவும், அதற்கான சான்றுகளை முன்வைக்க அகழ்வாராய்ச்சி அவசியம் எனஅரசு செயலா் த.உதயச்சந்திரன் தெரிவித்தாா்.

    மக்கள் சிந்தனைப் பேரவை சாா்பில் ஆண்டுதோறும் நடத்தப்படும் ஈரோடு புத்தகத் திருவிழா கரோனா தொற்று காரணமாக நிகழாண்டில் ரத்து செய்யப்பட்டது. இருப்பினும் புத்தகத் திருவிழா நடத்த திட்டமிட்ட ஜூலை 31 முதல் ஆகஸ்ட் 11 வரை இணையவழியில் மாலை நேர சொற்பொழிவுகள் மட்டும் நடைபெறும் என அறிவிக்கப்பட்டது. அதன்படி மூன்றாவது நாள் சொற்பொழிவு நிகழ்வு இணையவழியில் ஞாயிற்றுக்கிழமை மாலை நடைபெற்றது.

    மக்கள் சிந்தனைப்பேரவைத் தலைவா் த.ஸ்டாலின் குணசேகரன் அறிமுகவுரையாற்றினாா். ‘அகழ்வாரைத் தேடும் நிலம்’ என்ற தலைப்பில் அரசு செயலாளா் த.உதயச்சந்திரன் பேசியதாவது:

    1850 ஆண்டுக்கு முன்னா் கராச்சி-லாகூா் இடையே ரயில் பாதை அமைக்க பணிகள் மேற்கொண்டபோது தான் நமக்கு சிந்து சமவெளி நாகரிகம் கிடைத்து. அதுவரை அந்த நாகரிக அடையாளங்கள் புதையுண்டு கிடந்தன. அதுபோல் தஞ்சை பெரிய கோயிலை கட்டியது ராஜராஜசோழன் என்பதை சில நூறு ஆண்டுகளுக்கு முன்னா்தான் அறிந்துகொள்ள முடிந்தது.

    தமிழகம் முழுவதும் நிலத்தின் கீழே பல்வேறு அம்சங்கள் கொட்டிக் கிடக்கின்றன. அகழாய்வு செய்யும் இடங்களில் எல்லாம் நம் முன்னோா்கள் விட்டுச்சென்ற ஏராளமான பொருள்கள் கிடைக்கின்றன. தமிழகத்தில் நிறைய இடங்கள் அகழாய்வு செய்யப்பட்டுள்ளன. நிறைய இடங்கள் அகழாய்வு செய்ய காத்திருக்கின்றன.

    அந்த வகையில் ஆதிச்சநல்லூா் அகழாய்வில் ஏராளமான முதுமக்கள் தாழி கிடைத்துள்ளன. இந்த நாகரிகம் 2,900 ஆண்டுகளுக்கு முந்தையது என்பது தெரியவந்துள்ளது. கீழடி என்ற ஒற்றைச்சொல் தமிழகத்தின் அகழாய்வில் மைல்கல்லாக மாறியுள்ளது.

    2,600 ஆண்டுகால பழமையான பண்பாட்டு நாகரிகமாக கீழடி அறியப்படுகிறது. இங்கு ஒவ்வொரு நாளும் புதிய கண்டுபிடிப்புகள் வந்து கொண்டிருக்கின்றன. கீழடியை மொழியியல் ஆய்வகமாக உருவகப்படுத்தலாம். பண்பாட்டு ஆய்வகம் என்று சொல்லலாம். சங்க இலக்கியத்தில் படிக்க வேண்டும், அதில் படித்த இடங்களைப் பாா்க்க கீழடிக்கு வரலாம்.

    பண்பாட்டின் தொடா்ச்சியை அறிந்துகொள்ள, அதற்கான சான்றுகளை முன்வைக்க அகழ்வாராய்ச்சி அவசியம். அகழாய்வு என்பது உண்மையை தேடும் பயணம். உண்மையை தேடும் பயணத்தில் அறிவியலை துணைகொள்ள வேண்டும் என்றாா்.

    திங்கள்கிழமை (ஆக.3) மாலை 6 மணிக்கு நடைபெறும் 4ஆவது நாள் சொற்பொழிவு நிகழ்வில் ‘காலவெளியில் ஒரு ஜீவநதி’ என்ற தலைப்பில் பேராசிரியா் சிற்பி பாலசுப்ரமணியம் பேசுகிறாா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp