கோபி அருகே நாதிபாளையம் ஊராட்சியில் குடிசை மாற்று வாரியத்தின் சாா்பில் கட்டப்பட்டு வரும் அடுக்குமாடி குடியிருப்பை அமைச்சா் கே.ஏ.செங்கோட்டையன் ஆய்வு செய்தாா்.
குடிசை மாற்று வாரியத்தின் மூலம், கோபிசெட்டிபாளையம் சட்டப் பேரவைத் தொகுதிக்கு உள்பட்ட பகுதிகளில் 2,864 வீடுகள் கட்டப்பட்டு வருகின்றன. நாதிபாளையம் ஊராட்சியில் ரூ. 44 கோடி மதிப்பீட்டில் கட்டப்பட்டு வரும் அடுக்குமாடி குடியிருப்புப் பணிகளை ஆய்வு மேற்கொண்டாா். பணிகளை விரைந்து முடித்து பொதுமக்கள் பயன்பாட்டுக்கு விரைவில் வழங்க அலுவலா்களை வலியுறுத்தினாா்.
தொடா்ந்து, பா.வெள்ளாளபாளையம், குள்ளம்பாளையம் ஊராட்சிகளில் ரூ. 26 லட்சம் மதிப்பில் பல்வேறு வளா்ச்சி திட்டப் பணிகளுக்கு பூமிபூஜை செய்து பணிகளைத் தொடங்கி வைத்தாா்.
ஆய்வின்போது, கோபிசெட்டிபாளையம் கோட்டாட்சியா் சி.ஜெயராமன் உள்பட தொடா்புடைய துறை அலுவலா்கள் உடனிருந்தனா்.