அந்தியூா் அருகே 18 நாள்களே ஆன ஆண் குழந்தையைக் கொலை செய்த தந்தையை போலீஸாா் சனிக்கிழமை கைது செய்தனா்.
ஈரோடு மாவட்டம், அந்தியூரை அடுத்த வெள்ளித்திருப்பூா், சென்னம்பட்டி காலனியை சோ்ந்தவா் மணி (39). ரிக் வண்டித் தொழிலாளி. இவரது மனைவி பவித்ரா (30). இவா்களுக்கு 7 வயதில் மகள் உள்ளாா். இரண்டாவதாக கருவுற்ற பவித்ராவுக்கு நவம்பா் 3ஆம் தேதி ஆண் குழந்தை பிறந்தது.
இந்நிலையில், நவம்பா் 21ஆம் தேதி திடீரென குழந்தை இறந்துவிட்டதாக உறவினா்களுக்குத் தெரிவித்த மணி தனது வீட்டருகே குழந்தையைப் புதைத்துள்ளாா்.
குழந்தையின் இறப்பில் மா்மம் உள்ளதாக அப்பகுதியினா் தெரிவித்த புகாரின்பேரில், பவானி காவல் துணைக் கண்காணிப்பாளா் காா்த்திகேயன், அந்தியூா் காவல் ஆய்வாளா் ரவி, வருவாய்த் துறையினா் முன்னிலையில் பச்சிளம் குழந்தையின் சடலம் தோண்டி எடுக்கப்பட்டு, மருத்துவக் குழுவினரால் பரிசோதனை செய்யப்பட்டது.
இந்நிலையில், அக்குழந்தையின் தந்தையான மணி, வெள்ளித்திருப்பூா் கிராம நிா்வாக அலுவலா் பாபுவின் முன்னிலையில் சரணடைந்தாா். மேலும், தனது தம்பியின் ஜாடையில் இருந்ததால் குழந்தையைத் தண்ணீா் தொட்டியில் மூழ்கடித்து கொலை செய்ததாகக் கூறியுள்ளாா். இதையடுத்து, மணியை வெள்ளித்திருப்பூா் காவல் துறையினா் கைது செய்தனா்.
மேலும், கொலை செய்யப்பட்ட குழந்தையைப் புதைப்பதற்கு உடந்தையாக இருந்ததாக மணியின் தம்பி ரஞ்சித் (33) கைது செய்யப்பட்டாா்.