பெருந்துறை அருகே மதுரையைச் சோ்ந்த கூலி தொழிலாளி கழுத்து அறுத்து கொலை செய்யப்பட்ட வழக்கில் உடன் வேலை செய்த 4 பேரை பெருந்துறை போலீஸாா் கைது செய்து விசாரித்து வருகின்றனா்.
மதுரை மாவட்டம், உசிலம்பட்டியை அடுத்த நக்களப்பட்டி கிராமத்தைச் சோ்ந்தவா் சண்முகசுந்தரம் மகன் பாண்டி (எ) முத்துப்பாண்டி (30). இவரது மனைவி சூா்யா. இவா்களுக்கு 2 பெண் குழந்தைகள் உள்ளனா். முத்துப்பாண்டியின் மனைவி சூா்யா கடந்த 5 ஆண்டுகளுக்கு முன்பு இறந்துவிட்டாா். இதையடுத்து, அவரது குழந்தைகள் உறவினா் வீட்டில் வளா்ந்து வருகின்றனா். முத்துப்பாண்டி தனது தாயாருடன் ஈரோடு மாவட்டம், பெருந்துறையை அடுத்த துடுப்பதி சிலேட்டா் நகரில் வீடு வாடகைக்கு எடுத்து தங்கி சிமென்ட் ஷீட் பொருத்தும் கூலி வேலைக்குச் சென்று வந்தாா்.
கடந்த ஞாயிற்றுக்கிழமை வேலைக்குச் சென்ற முத்துப்பாண்டி இரவு வெகுநேரமாகியும் வீடு திரும்பவில்லை. இந்நிலையில், துடுப்பதி செல்லும் சாலையில் சானிடோரியம் அருகில் முத்துப்பாண்டி கழுத்து அறுத்த நிலையில் இறந்து கிடந்தது தெரியவந்தது.
இதுகுறித்து, பெருந்துறை போலீஸாா் வழக்குப் பதிவு செய்து விசாரித்து வந்தனா். பெருந்துறை காவல் துணைக் கண்காணிப்பாளா் செல்வராஜ் மேற்பாா்வையில், காவல் ஆய்வாளா் தங்கம் தலைமையில் தனிப்படை அமைக்கப்பட்டது.
போலீஸாா் நடத்திய விசாரணையில், மது அருந்தும்போது முத்துப்பாண்டிக்கும், உடன் வேலை செய்பவா்களுக்கும் இடையே ஏற்பட்ட தகராறில் முத்துப்பாண்டி கொலை செய்யப்பட்டது தெரியவந்தது. இதுதொடா்பாக, உடன் வேலை செய்து வந்த பெருந்துறை, மேக்கூா், சாராயக்காரன் தோட்டத்தைச் சோ்ந்த உசேன்முகமது மகன் அபிப் ரகுமான் (27), ஈரோடு, கொல்லம்பாளையத்தைச் சோ்ந்த சுந்தரம் மகன் பிரபு (23), நாமக்கல் மாவட்டம், பள்ளிபாளையம், மஜித் வீதியைச் சோ்ந்த ஜெயராஜ் மகன் ஜெயபிரகாஷ் (33), அதே ஊரைச் சோ்ந்த ஜெயராஜ் மகன் ஜெயசந்திரன் (31) ஆகியோரை போலீஸாா் புதன்கிழமை கைது செய்து விசாரித்து வருகின்றனா்.