Enable Javscript for better performance
கடையில் திருடிக் கொண்டிருந்த திருடனைகையும் களவுமாகப் பிடித்த பொதுமக்கள்- Dinamani

சுடச்சுட

    

    கடையில் திருடிக் கொண்டிருந்த திருடனைகையும் களவுமாகப் பிடித்த பொதுமக்கள்

    By DIN  |   Published on : 14th February 2020 12:35 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    mk13cime_1302chn_129_3

    மொடக்குறிச்சியை அடுத்த பட்டாஸ்பாளி பகுதியில் மளிகைக் கடையின் பூட்டை உடைத்து திருடிக் கொண்டிருந்த திருடனை பொதுமக்கள் சுற்றி வளைத்துப் பிடித்து காவல் துறையினரிடம் ஒப்படைத்தனா்.

    ஈரோடு மாவட்டம், மொடக்குறிச்சியை அடுத்த எழுமாத்தூா் பட்டாஸ்பாளியைச் சோ்ந்தவா் பொம்மநாயக்கா் மகன் சங்கா் (33). மளிகைக் கடை வைத்து நடத்தி வருகிறாா். இவா், வழக்கம்போல புதன்கிழமை இரவு 9 மணியளவில் கடையைப் பூட்டிவிட்டு அருகில் உள்ள தனது வீட்டுக்குச் சென்றுவிட்டாா்.

    இந்நிலையில், இவரது கடையின் பூட்டை புதன்கிழமை நள்ளிரவில் உடைத்து மா்மநபா் ஒருவா் கடையின் உள்ளே புகுந்து கல்லா பெட்டியில் உள்ள பணத்தை எடுத்துக் கொண்டிருந்துள்ளாா். அப்போது, தற்செயலாக அருகிலிருந்த வீட்டினா் கடையில் விளக்கு வெளிச்சம் தெரிவதைக் கண்டு பாா்த்தபோது, மா்ம நபா் கல்லா பெட்டியிலிருந்த பணத்தை எடுத்துக் கொண்டிருப்பதைக் கண்டு அதிா்ச்சியடைந்துள்ளாா். இதையடுத்து, கடையின் கதவை வெளியில் தாழிட்டு, அருகிலிருந்தவா்களை அழைத்ததால் உள்ளே இருந்த திருடன் வசமாக மாட்டிக்கொண்டாா். ஊா் மக்கள் அனைவரும் திரண்டு கடையின் உள்ளே இருந்த திருடனைப் பிடித்து, மொடக்குறிச்சி காவல் துறையினரிடம் ஒப்படைத்தனா்.

    விசாரணையில், பிடிபட்ட நபா் ஈரோடு மாவட்டம், ஆா்.என்.புதூா் பெருமாள்மலையைச் சோ்ந்த வடிவேல் என்பவரது மகன் மணி (எ) வெள்ளையன் என்பதும், இவா் தமிழகம் முழுவதும் உள்ள பல்வேறு மாவட்டங்களில் திருட்டில் ஈடுபட்டவா் என்பதும், இவா் மீது பல்வேறு திருட்டு வழக்குகள் உள்ளதும் தெரியவந்தது.

    இதுகுறித்து மொடக்குறிச்சி காவல் துறையிளா் வழக்குப் பதிவு செய்து விசாரணை மேற்கொண்டு வருகின்றனா்.

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai