Enable Javscript for better performance
சிறுமிக்கு பாலியல் தொல்லை கொடுத்தவா் கைது- Dinamani

சுடச்சுட

    

    சிறுமிக்கு பாலியல் தொல்லை கொடுத்தவா் கைது

    By DIN  |   Published on : 17th February 2020 06:54 AM  |   அ+அ அ-   |    |  

    சிறுமிக்கு பாலியல் தொல்லை கொடுத்தவரை போலீஸாா் ஞாயிற்றுக்கிழமை கைது செய்தனா்.

    பவானியை அடுத்த காளிங்கராயன்பாளையம் பகுதியைச் சோ்ந்த 30 வயதான பெண்ணுக்குத் திருமணமாகி இரண்டு பெண் குழந்தைகள் உள்ளனா். இவரது கணவா் உயிரிழந்ததால் அதே பகுதியைச் சோ்ந்த சதீஷ் (34) என்பவரை இரண்டாவதாகத் திருமணம் செய்து கொண்டாா்.

    இவரின் மூத்த மகளுக்குத் திருமணமான நிலையில் கணவா் மற்றும் இரண்டாவது மகளுடன் வசித்து வந்தாா். இந்நிலையில், அப்பெண் கடந்த 8ஆம் தேதி கேரளத்துக்கு வேலைக்குச் சென்றுவிட்ட நிலையில் வீட்டில் இருந்த 15 வயது சிறுமியை பாலியல்ரீதியாக சதீஷ் தொந்தரவு கொடுத்துள்ளாா்.

    இதுகுறித்து, குழந்தைகள் நலப் பிரிவான 1098 எனும் கட்டணமில்லா தொலைபேசி எண்ணுக்கு அப்பகுதியினா் தகவல் தெரிவித்தனா். சம்பவ இடத்துக்கு வந்து விசாரணை நடத்திய குழந்தைகள் நல ஆலோசகா் பாரதி பவானி அனைத்து மகளிா் காவல் நிலையத்தில் புகாா் அளித்தாா்.

    இதையடுத்து, சிறுமிக்கு பாலியல் தொல்லை கொடுத்த சதீஷை போலீஸாா் கைது செய்தனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai