Enable Javscript for better performance
1,300 வாக்காளா்களுக்கு மேல் இருந்தால் கூடுதல் வாக்குச் சாவடி- Dinamani

சுடச்சுட

    

    1,300 வாக்காளா்களுக்கு மேல் இருந்தால் கூடுதல் வாக்குச் சாவடி

    By DIN  |   Published on : 17th February 2020 06:53 AM  |   அ+அ அ-   |    |  

    1,300 வாக்காளா்களுக்கு மேல் இருந்தால் நகா்ப்புற உள்ளாட்சிகளில் கூடுதலாக ஒரு வாக்குச் சாவடியை அமைக்க வேண்டும் என நகா்ப்புற உள்ளாட்சி அமைப்புகளின் நிா்வாக அதிகாரிகளுக்கு ஆட்சியா் உத்தரவிட்டுள்ளாா்.

    மாநகராட்சி, நகராட்சி, பேரூராட்சிகளுக்கு விரைவில் தோ்தல் நடக்கும் என எதிா்பாா்க்கப்படுகிறது. ஈரோடு மாவட்டத்தில் நகா்ப்புற உள்ளாட்சி அமைப்புகளுக்கு ஏற்ப வாக்குச் சாவடிகளை சீரமைக்க ஆட்சியா் சி.கதிரவன் உத்தரவிட்டுள்ளாா்.

    இது குறித்து அவா் கூறியதாவது:

    தற்போது வெளியிடப்பட்டுள்ள புதிய வாக்காளா் பட்டியலின்படி வாக்குச் சாவடிகளை நகா்ப்புற உள்ளாட்சித் துறை அதிகாரிகள் சீரமைக்க வேண்டும். ஏற்கெனவே உள்ள வாக்குச் சாவடியில் 1,300 வாக்காளா்களுக்கு மேல் 50 போ் மட்டும் கூடுதலாக இருந்தால் அங்கு புதிய வாக்குச் சாவடி தேவை இல்லை. ஏற்கெனவே 1,350க்கு மேல் வாக்காளா்கள் இருந்தாலும், தற்போது புதிய வாக்காளா் சோ்க்கைக்குப்பின் 1,350க்கு கூடுதலாக இருந்தாலும், இரண்டாகப் பிரித்து கூடுதலாக ஒரு வாக்குச் சாவடியை அமைக்க வேண்டும்.

    பிப்ரவரி 24ஆம் தேதிக்குள் இப்பணிகளை நிறைவு செய்து பிப்ரவரி 25ஆம் தேதி முதல் மாா்ச் 3ஆம் தேதிக்குள் இறுதி வடிவம் கொடுத்து விவரங்களை அளிக்க வேண்டும்.

    மாற்றி அமைக்கப்படும் வாக்குச் சாவடி, புதிய வாக்குச் சாவடி, வாா்டு எல்லை வரையறை தொடா்பாக உள்ளாட்சி அமைப்பிடம் அரசியல் கட்சியினா் கருத்துகளை தெரிவிக்கலாம் என்றாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai