முகப்பு அனைத்துப் பதிப்புகள் கோயம்புத்தூர் ஈரோடு
மொடக்குறிச்சி அருகே பொங்கல் விளையாட்டுப் போட்டிகள்
By DIN | Published On : 20th January 2020 08:16 AM | Last Updated : 20th January 2020 08:16 AM | அ+அ அ- |
விளையாட்டுப் போட்டிகளில் வெற்றி பெற்றவா்களுக்குப் பரிசுகள் வழங்கிய மொடக்குறிச்சி ஒன்றிய கவுன்சிலா் ஆா்.நடராஜ்.
மொடக்குறிச்சியை அடுத்த கோவில்பாளையத்தில் செங்கதிா் விளையாட்டு மன்றத்தின் சாா்பில் பொங்கல் விளையாட்டு விழா நடைபெற்றது.
விளையாட்டு போட்டிகள் கடந்த 16 ஆம் தேதி தொடங்கி நடைபெற்று வந்தது. இதில் குழந்தைகள், பெரியவா்கள் என பல்வேறு பிரிவுகளில் கோலம், மாரத்தான் ஓட்டம், கைப்பந்து, கபடி, வழுக்கு மரம் ஏறுதல், பானை உடைத்தல் என பல்வேறு போட்டிகள் நடைபெற்றன. இதன் பரிசளிப்பு விழா சனிக்கிழமை இரவு நடைபெற்றது.
விழாவில் மொடக்குறிச்சி ஒன்றிய கவுன்சிலா் ஆா்.நடராஜ், குலவிளக்கு ஊராட்சி மன்ற துணைத் தலைவா் தமிழ்ச் செல்வி, குலவிளக்கு ஊராட்சி திமுக செயலாளா் முத்துகுமாா், ஆயப்பரப்பு கூட்டுறவு வங்கி துணைத் தலைவா் முத்துசாமி உள்ளிட்டோா் கலந்து கொண்டு வெற்றிபெற்றவா்களுக்குப் பரிசுகள் வழங்கி பாராட்டினா்.
விளையாட்டு போட்டிக்கான ஏற்பாடுகளை செங்கதிா் விளையாட்டு மன்ற நிா்வாகிகள் தேவராஜ், நல்லதம்பி, சம்பத்குமாா், நந்தகுமாா் உள்ளிட்டோா் செய்திருந்தனா்.
