ரயிலில் பரிதவித்த குழந்தை: 3 மணி நேரத்துக்குப் பின் தாயிடம் ஒப்படைப்பு

ரயிலில் பரிதவித்த குழந்தையை போலீஸாா் 3 மணி நேரத்துக்குப் பிறகு தாயிடம் ஒப்படைத்தனா்.

திருவனந்தபுரம்-சென்னை அதிவிரைவு ரயில் சனிக்கிழமை நள்ளிரவு 12.30 மணியளவில் ஈரோடு ரயில் நிலையத்துக்கு வந்தது. அப்போது ரயில் பெட்டியில் ஆண் குழந்தை ஒன்று தாய் இல்லாமல் தனியாக இருப்பதாக சேலம் ரயில்வே கட்டுப்பாட்டு அறைக்குப் பயணி ஒருவா் தகவல் தெரிவித்தாா். இதையடுத்து அந்த ரயிலில் சம்பந்தப்பட்ட பெட்டியில் சோதனை நடத்திய ஈரோடு ரயில்வே போலீஸாா் சுமாா் 2 வயது மதிக்கத்தக்க ஆண் குழந்தையை பத்திரமாக மீட்டனா்.

இந்நிலையில், திருவாரூா் மாவட்டம், விஜயபுரம், பாலா வீதியைச் சோ்ந்த கலையரசன் மனைவி பரமேஸ்வரி (32) தனது குழந்தையைத் தவறவிட்டது குறித்து கோவை ரயில்வே போலீஸில் புகாா் அளித்தாா்.

இதனையடுத்து கோவை ரயில்வே போலீஸாா், குழந்தை ஈரோடு ரயில் நிலையத்தில் உள்ளது எனக் கூறி பரமேஸ்வரியை கொச்சுவேளி-மைசூரு ரயிலில் ஈரோடு ரயில் நிலையத்துக்கு அனுப்பிவைத்தனா்.

அந்த ரயில் ஞாயிற்றுக்கிழமை அதிகாலை 3 மணிக்கு ஈரோடு வந்தது. பின்னா் பரமேஸ்வரி ஈரோடு ரயில்வே பாதுகாப்புப் படை காவல் நிலையத்துக்கு சென்று தனது குழந்தையைத் தவறவிட்டது குறித்து கூறினாா்.

பின்னா் குழந்தையின் உரிய அடையாளம், ஆதாரங்களை போலீஸாரிடம் பரமேஸ்வரி காட்டினாா். இதை உறுதி செய்த போலீஸாா் அந்தக் குழந்தையை தாயிடம் ஒப்படைத்தனா். சுமாா் 3 மணி நேரத்துக்குப் பின் குழந்தையைப் பாா்த்த பரமேஸ்வரி, கண்ணீா் மல்க ஈரோடு ரயில்வே போலீஸாருக்கு நன்றி தெரிவித்து குழந்தையை அழைத்துச் சென்றாா்.