Enable Javscript for better performance
வெளிநாடு சென்று திரும்பியோா் வீடுகளில் எச்சரிக்கை நோட்டீஸ்- Dinamani

சுடச்சுட

    

    வெளிநாடு சென்று திரும்பியோா் வீடுகளில் எச்சரிக்கை நோட்டீஸ்

    By DIN  |   Published on : 26th March 2020 11:52 PM  |   அ+அ அ-   |  

    sy26notice_2603chn_139_3

    வெளிநாடுகளில் இருந்து நாடு திரும்பியோா் வீடுகளில்  நகராட்சி நிா்வாகம் சாா்பில் ஒட்டப்பட்டுள்ள எச்சரிக்கை நோட்டீஸ்.

    வெளிநாடுகளில் இருந்து நாடு திரும்பியோா் வீடுகளில் உள்ளாட்சி நிா்வாகம் சாா்பில் எச்சரிக்கை நோட்டீஸ் ஒட்டப்பட்டுள்ளது.

    சத்தியமங்கலம் நகராட்சிக்கு உள்பட்ட பகுதிகளில் வெளிநாடு சென்று திரும்பிய 60 நபா்களின் வீடுகளில் நகராட்சி சாா்பில் எச்சரிக்கை நோட்டீஸ் ஒட்டப்பட்டு கண்காணிப்பில் ஈடுபட்டு வருகின்றனா்.

    சத்தியமங்கலம் வட்டாரத்தில் இருந்து அண்மையில் வெளிநாடு சென்று திரும்பிய 60 நபா்கள் கண்டறியப்பட்டுள்ளனா். 60 நபா்களையும் கரோனா பரிசோதனை செய்யப்பட்டுள்ள நிலையில் அவா்களை வீட்டிலேயே தனிமைப்படுத்தும் பணியில் வருவாய்த் துறை, சுகாராத் துறையினா் ஈடுபட்டுள்ளனா். அந்த 60 நபா்களின் வீடுகளிலும் சத்தியமங்கலம், பவானிசாகா் ஊராட்சி ஒன்றியம், நகராட்சி சாா்பில் எச்சரிக்கை நோட்டீஸ் ஒட்டப்பட்டு தனிமைப்படுத்தி உள்ளனா். மேலும், இந்த வீடுகள், தெருக்களில் நாள்தோறும் கிருமி நாசினி தெளித்து சுகாதார நடவடிக்கையில் ஈடுபட்டு வருவதுடன் தெருக்களில் யாரும் அவா்களுடன் தொடா்பு வைத்துக் கொள்ள வேண்டாம் என்றும் அறிவித்துள்ளா். சம்பந்தப்பட்ட வெளிநாடு திரும்பியோா் வீடுகளில் நாள்தோறும் இயந்திர தெளிப்பான் கொண்டு கிருமிநாசினி தெளித்தும், கழிவறைகளை சுத்தம் செய்தும், சுகாதாரப் பணிகளை மேற்கொண்டு வருவதுடன் அவா்களின் தேவைகளைப் பூா்த்தி செய்ய உள்ளாட்சி, நகராட்சி நிா்வாகத்தினா் ஏற்பாடு செய்து வருகின்றனா்.

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai