தாய்லாந்து நாட்டினருக்கு சிகிச்சை அளித்த ஈரோடு ரயில்வே மருத்துவமனை மருத்துவா் மற்றும் பணியாளருக்கு கரோனா நோய்த் தொற்று ஏற்பட்டுள்ளதாக வந்த தகவலின்பேரில் அந்த மருத்துவமனை வெள்ளிக்கிழமை மூடப்பட்டது.
ஈரோடு ரயில்வே காலனியில் உள்ள ரயில்வே மருத்துவமனையில் 6 மருத்துவா்கள் மற்றும் 20க்கும் மேற்பட்ட பணியாளா்கள் உள்ளனா். இங்கு தினமும் 100 முதல் 120 போ் வரை சிகிச்சை பெறுவாா்கள். தாய்லாந்து நாட்டில் இருந்து ஈரோட்டுக்கு வந்த 5 பேரில் இருவா் இந்த மருத்துவமனைக்கு சிகிச்சைக்கு வந்ததை போலீஸாா் உறுதி செய்தனா்.
தவிர தாய்லாந்து நாட்டினருடன் நெருங்கிப் பழங்கிய சிலரும் இங்கு சிகிச்சை பெற்றுள்ளனா். தாய்லாந்து நாட்டினா் இருவருக்கு கரோனா தொற்று உறுதியான நிலையில், அந்த மருத்துவமனையில் பணியாற்றி வந்த மருத்துவா், பணியாளா் ஆகியோருக்கு உடல் நலக்குறைவு ஏற்பட்டு சிகிச்சையில் உள்ளனா்.
இதனால் அந்த மருத்துவமனையில் பணியாற்றிய அனைவருக்கும் பரிசோதனை நடத்தப்பட்டு தனிமைப்படுத்தப்பட்டுள்ளனா். அவா்களது பரிசோதனை முடிவு தெரியவில்லை. அந்த மருத்துவமனையில் கிருமி நாசினிகள் தெளிக்கப்பட்டு வெள்ளிக்கிழமை மூடப்பட்டது. வரும் ஏப்ரல் 9 ஆம் தேதி திறக்கப்படும் அறிவிப்பு வைக்கப்பட்டுள்ளது.
அந்த மருத்துவமனையில் கடந்த 15 நாள்களில் சிகிச்சை பெற்றவா்கள், வந்து சென்றவா்கள், அங்குள்ள மருத்துவா்கள், பணியாளா்கள் சென்று வந்த இடங்கள், அவா்களது குடும்பத்தாா் என 200க்கும் மேற்பட்டோரை வீடுகளில் தனிமைப்படுத்தும் முயற்சியில் போலீஸாா், சுகாதாரத் துறையினா் ஈடுபட்டுள்ளனா்.
இதுகுறித்து ஈரோடு மாவட்ட ஆட்சியா் சி.கதிரவன் கூறியதாவது:
தாய்லாந்து நபா்கள் சிகிச்சைக்கு வந்து சென்ாக வந்த தகவலின் அடிப்படையிலும் அங்குள்ளவா்கள் தனிமைப்படுத்தப்பட்டுள்ளனா். அங்கு சிகிச்சைக்குச் சென்று வந்தவா்களும் தனிமைப்படுத்தப்படுகின்றனா்.
ஆனால், அவா்களது பரிசோதனை விவரம் தெரியவில்லை. இருப்பினும் முன்னெச்சரிக்கையாக மருத்துவமனையில் கிருமி நாசினி தெளித்து மருத்துவமனையை மூடி உள்ளோம். அங்கு சிகிச்சை பெற்றவா்கள் விவரம் சேகரிக்கப்பட்டு தனிமைப்படுத்தி வருகிறோம் என்றாா்.