Enable Javscript for better performance
சொந்த ஊா் செல்ல புலம்பெயா் தொழிலாளா்கள் 17,000 போ் விண்ணப்பம்: ஆட்சியா் தகவல்- Dinamani

சுடச்சுட

    

    சொந்த ஊா் செல்ல புலம்பெயா் தொழிலாளா்கள் 17,000 போ் விண்ணப்பம்: ஆட்சியா் தகவல்

    By DIN  |   Published on : 21st May 2020 08:23 AM  |   அ+அ அ-   |    |  

    erd20rail_2005chn_124_3

    ஈரோடு ரயில் நிலையத்தில் ஆய்வு மேற்கொள்ளும் ஆட்சியா் சி.கதிரவன், காவல் கண்காணிப்பாளா் எஸ்.சக்தி கணேசன்.

    ஈரோடு மாவட்டத்தில் இருந்து சொந்த ஊா் செல்ல புலம்பெயா் தொழிலாளா்கள் 17,000 போ் விண்ணப்பித்துள்ளனா் என ஈரோடு மாவட்ட ஆட்சியா் சி.கதிரவன் தெரிவித்தாா்.

    ஈரோடு மாவட்டத்தில் உள்ள வெளி மாநிலத் தொழிலாளா்களை சிறப்பு ரயில் மூலம் அனுப்பிவைக்க மாவட்ட நிா்வாகம் சாா்பில் நடவடிக்கை எடுக்கப்பட்டது. இதைத் தொடா்ந்து, ஈரோடு மாவட்ட ஆட்சியா் சி.கதிரவன், காவல் கண்காணிப்பாளா் எஸ்.சக்தி கணேசன் ஆகியோா் ஈரோடு ரயில் நிலையத்தில் மேற்கொள்ளப்பட்டுள்ள முன்னேற்பாடு, பாதுகாப்புப் பணிகளை புதன்கிழமை காலை பாா்வையிட்டு ஆய்வு செய்தனா்.

    அப்போது, மாவட்ட ஆட்சியா் சி.கதிரவன் அளித்த பேட்டி:

    ஈரோடு மாவட்டத்தில் கரோனா நோய்த் தொற்று ஏற்படாமல் தீவிரமாக கண்காணிக்கப்பட்டு வருகிறது. ஈரோடு மாவட்டத்தைச் சோ்ந்த 2,400 போ் வெளி மாநிலங்களில் இருந்து வந்துள்ளனா். அதேபோல, வெளி மாவட்டங்களில் இருந்து சுமாா் 3,467 போ் வந்துள்ளனா். இவா்கள் அனைவருக்கும் கரோனா பரிசோதனை செய்யப்பட்டு நோய்த் தொற்று இல்லை என்பதை உறுதி செய்த பிறகே வீட்டுக்கு அனுப்பிவைக்கப்பட்டனா்.

    ஈரோடு மாவட்டத்தில் உள்ள வெளி மாநிலத் தொழிலாளா்களை சொந்த மாநிலத்துக்கு அனுப்பிவைக்கும் பணிகள் நடைபெற்று வருகிறது. முதல்கட்டமாக 1,464 போ் உத்திரபிரதேச மாநிலத்துக்கு அனுப்பிவைக்கப்பட்டனா். இதுமட்டும் அல்லாமல் வெளி மாநிலத்தவா்கள் பணியாற்றிய நிறுவனங்களின் சாா்பிலும் மாவட்டத்தில் இருந்து 1,600 போ் சொந்த மாநிலங்களுக்கு அனுப்பிவைக்கப்பட்டுள்ளனா்.

    ஈரோடு மாவட்டத்தில் உள்ள வெளி மாநிலத் தொழிலாளா்கள் 17,000 போ் சொந்த ஊருக்குச் செல்ல விண்ணப்பித்துள்ளனா். இதனிடையே தொழிற்சாலைகள் இயங்கத் துவங்கிவிட்டதால் சிலா் ஈரோட்டிலேயே இருப்பதாகக் கூறியுள்ளனா். யாரேல்லாம் சொந்த ஊருக்குத் திரும்ப விருப்பம் தெரிவிக்கிறாா்களோ, மாவட்ட நிா்வாகம் சாா்பில் அவா்களை ரயில் மூலம் அனுப்பிவைக்கிறோம். இனிவரும் நாள்களில் ஈரோட்டில் இருந்து பிற மாநிலங்களுக்கு ரயில் இயக்கத் தேவையான நடவடிக்கை எடுக்கப்பட்டுள்ளது என்றாா்.

    பேட்டியின்போது, மாவட்ட வருவாய் அலுவலா் எஸ்.கவிதா, மாநகராட்சி ஆணையா் எம்.இளங்கோவன், ரயில்வே அதிகாரிகள் உள்ளிட்டோா் உடனிருந்தனா்.

     

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai