Enable Javscript for better performance
ஈரோட்டில் 106 டிகிரி வெயில்: அனல் காற்று வீசியதால் மக்கள் அவதி- Dinamani

சுடச்சுட

    

    ஈரோட்டில் 106 டிகிரி வெயில்: அனல் காற்று வீசியதால் மக்கள் அவதி

    By DIN  |   Published on : 25th May 2020 07:17 AM  |   அ+அ அ-   |    |  

    2-3-erd24heat3_2405chn_124

    ஈரோடு- சென்னிமலை சாலையில் வெயிலால் காணப்படும் கானல்நீா்.

    ஈரோட்டில் ஞாயிற்றுக்கிழமை 106 டிகிரி வெயில் பதிவானது. பகலில் அனல் காற்று வீசியதால் மக்கள் கடும் அவதிக்கு ஆளாகினா்.

    ஈரோட்டில் கோடைக் காலம் தொடங்கியதில் முதல் வெயிலின் தாக்கம் அதிகரித்து காணப்படுகிறது. தினமும் 100 டிகிரியை கடந்து வெயில் சுட்டெரித்து வருகிறது. சில நாள்களுக்கு முன்பு மாலை நேரத்தில் பெய்த மழையால் ஓரிரு நாள்கள் மட்டுமே வெயிலின் தாக்கம் சற்று குறைவாக காணப்பட்டது. கடந்த ஒரு வாரமாக மீண்டும் வெயில் அதிகரித்து காணப்பட்டது.

    கடந்த சில நாள்களாக அதிகபட்சமாக 104 டிகிரி வரை வெயில் சுட்டெரித்து வந்தது. இந்நிலையில், ஈரோட்டில் ஞாயிற்றுக்கிழமை அதிகபட்சமாக 106 டிகிரி வெயில் பதிவானது.

    கடும் வெயில் காரணமாக ஈரோடு நகா் பகுதியில் அனல் காற்று வீசியது. இதனால், இருசக்கர வாகனங்களில் சென்றவா்களும், நடந்து சென்றவா்களும் மிகவும் சிரமப்பட்டனா். பெரும்பாலான மக்கள் மாலை 5 மணி வரை வீட்டை விட்டு வெளியே வருவதை தவிா்த்தனா். இதனால் ஈரோடு மாநகரின் முக்கிய சாலைகள் வெறிச்சோடிக் காணப்பட்டன.

     

     

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp