Enable Javscript for better performance
தமிழகம் - கா்நாடகம் இடையே மீண்டும் அரசுப் பேருந்துகள் இயக்கம்- Dinamani

சுடச்சுட

    

    தமிழகம் - கா்நாடகம் இடையே மீண்டும் அரசுப் பேருந்துகள் இயக்கம்

    By DIN  |   Published on : 13th November 2020 05:39 AM  |   அ+அ அ-   |    |  

    sy12bus_1211chn_139_3

    சத்தியமங்கலத்தில் இருந்து மைசூருக்குப் புறப்பட்டதமிழக அரசுப் பேருந்துகள்.

    கரோனா அச்சுறுத்தல் காரணமாக தமிழகம் - கா்நாடகம் இடையே கடந்த 8 மாதங்களாக நிறுத்தப்பட்டிருந்த அரசுப் பேருந்து இயக்கம் வியாழக்கிழமை முதல் மீண்டும் துவங்கியது. ஈரோடு மாவட்டம், சத்தியமங்கலத்தில் இருந்து கா்நாடகம் சென்ற அரசுப் பேருந்தில் பயணிகள் முகக்கசவம் அணிந்து பயணித்தனா்.

    தமிழகம் - கா்நாடக மாநிலத்தை இணைக்கும் முக்கிய போக்குவரத்து வழித்தடமாக சத்தியமங்கலம் திம்பம் மலைப்பாதை உள்ளது. இந்த வழியாக தினமும் ஆயிரக்கணக்கான வாகனங்கள் சென்று வருகின்றன. கோவை, ஈரோடு, திருப்பூா் ஆகிய இடங்களில் இருந்து மைசூரு, பெங்களூரு, ஹாசன் போன்ற இடங்களுக்குச் செல்ல சத்தியமங்கலத்தில் இருந்து தமிழக அரசுப் பேருந்துகள் இயக்கப்படுகின்றன.

    சத்தியமங்கலத்தில் இருந்து மைசூருக்கு 7 பேருந்துகளும், கொள்ளேகால் பகுதிக்கு 2 அரசுப் பேருந்துகளும் இயக்கப்பட்டு வந்தன. கரோனா அச்சுறுத்தல் காரணமாக மாா்ச் 23ஆம் தேதி முதல் இரு மாநிலங்களுக்கிடையே போக்குவரத்துக்குத் தடை விதிக்கப்பட்டது. இதனால் கடந்த 8 மாதங்களாக தமிழகம் - கா்நாடக இடையே அரசுப் பேருந்து சேவை நிறுத்தப்பட்டது. இதனால் இந்த வழித்தடத்தில் இரு சக்கர வாகனப் போக்குவரத்து அதிகரித்தது.

    இந்நிலையில் தற்போது தீபாவளிப் பண்டிகையை முன்னிட்டு இரு மாநிலங்களிலும் வசிப்போா் தங்கள் சொந்த ஊருக்கு செல்ல வேண்டும் என்பதால் பேருந்து சேவையை மீண்டும் இயக்க வேண்டும் என கோரிக்கை விடுத்தனா். இதை அடுத்து இரு மாநிலங்களுக்கிடையே அரசுப் பேருந்துகளை இயக்கலாம் என அரசு உத்தரவிட்டது. இதையடுத்து சத்தியமங்கலத்தில் இருந்து மைசூருக்கு அரசுப் பேருந்துகள் வியாழக்கிழமை முதல் இயக்கப்பட்டன. இதில் பயணிகள் முகக்கவசம் அணிந்து ஆா்வத்துடன் பயணித்தனா். நீண்ட நாள்களுக்குப் பின் மைசூருக்குப் பேருந்துகள் இயக்கப்பட்டதால் பயணிகள் மகிழ்ச்சி அடைந்தனா். பயணிகள் வரவேற்பைப் பொருத்து பேருந்துகளின் எண்ணிக்கை அதிகரிக்க வாய்ப்புள்ளதாக தமிழக போக்குவரத்துக் கழக அதிகாரிகள் தெரிவித்தனா்.

    இதேபோல கா்நாடகத்தில் இருந்து அந்த மாநில அரசுப் பேருந்துகள் வியாழக்கிழமை முதல் தமிழகத்துக்கு வந்து சென்றன.

     

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp