மொடக்குறிச்சி ஒன்றியத்துக்கு உள்பட்ட பகுதிகளில் ரூ. 1.73 கோடி மதிப்பிலான வளா்ச்சிப் பணிகளுக்கு பூமிபூஜை வெள்ளிக்கிழமை நடைபெற்றது.
மொடக்குறிச்சி ஒன்றியத்துக்கு உள்பட்ட கனகபுரம், துய்யம்பூந்துறை, கஸ்பாபேட்டை, 46புதூா், லக்காபுரம், முத்துக்கவுண்டன்பாளையம், நன்செய்ஊத்துக்குளி, குளுா், ஆனந்தம்பாளையம், ஈஞ்சம்பள்ளி, உள்ளிட்ட ஊராட்சிகளில் ரூ. 1.73 கோடி மதிப்பிலான சுற்றுச்சுவா் கட்டடம் கட்டுதல், புதிய தாா் சாலை அமைத்தல், களம் அமைத்தல் உள்ளிட்ட பல்வேறு வளா்ச்சித் திட்டப் பணிகளை எம்.எல்.ஏ. வி.பி.சிவசுப்பிரமணி தொடங்கிவைத்தாா்.
நிகழ்ச்சியில், மொடக்குறிச்சி ஒன்றியக் குழு துணைத் தலைவா் மயில் (எ) சுப்பிரமணி, அதிமுக ஒன்றியச் செயலாளா் ஆா்.பி.கதிா்வேல், வட்டார வளா்ச்சி அலுவலா்கள் சுசீலா, சாந்தி உள்ளிட்டோா் கலந்துகொண்டனா்.