ரூ. 1.50 கோடிக்கு கொப்பரை ஏலம்
By DIN | Published On : 25th November 2020 10:13 PM | Last Updated : 25th November 2020 10:13 PM | அ+அ அ- |
பெருந்துறை வேளாண்மைப் பொருள்கள் உற்பத்தியாளா்கள் கூட்டுறவு விற்பனைச் சங்கத்தில் ரூ. 1 கோடியே 50 லட்சத்துக்கு கொப்பரை ஏலம் புதன்கிழமை நடைபெற்றது.
பெருந்துறை சுற்று வட்டாரப் பகுதிகளைச் சோ்ந்த விவசாயிகள் 2,635 மூட்டைகளில் 1,25,000 கிலோ கொப்பரையை விற்பனைக்குக் கொண்டு வந்திருந்தனா். இதில், முதல் தரக் கொப்பரை குறைந்தபட்சமாக கிலோ ரூ. 115.25க்கும், அதிகபட்சமாக ரூ. 128.89க்கும் விற்பனையாயின. இரண்டாம் தரக் கொப்பரை குறைந்தபட்சமாக ரூ. 55.71க்கும், அதிகபட்சமாக ரூ. 123.89க்கும் விற்பனையாயின. மொத்தம் ரூ. 1 கோடியே 50 லட்சத்துக்கு கொப்பரை வா்த்தகம் நடைபெற்றது.
செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...
