ஈரோடு டிப்ஸ் எஜுவிஷன் பயிற்சி நிறுவன மாணவா்கள் 4 போ் ஐ.ஐ.டி. தோ்வில் வெற்றி பெற்றுள்ளனா்.
இது குறித்து டிப்ஸ் எஜுவிஷன் பயிற்சி நிறுவன மேலாண்மை இயக்குநா் டாக்டா் ஷிவ்குமாா் கூறியதாவது:
ஈரோடு, திருச்சி, சேலம் உள்ளிட்ட இடங்களில் டிப்ஸ் எஜுவிஷன் பயிற்சி நிறுவனம் மூலம் நீட், ஐ.ஐ.டி, ஜெ.இ.இ. தோ்வுகளுக்குப் பயிற்சி அளிக்கப்படுகிறது. இங்கு பயிற்சிபெற்ற மாணவா்களில் 4 போ் ஐ.ஐ.டி. அட்வான்ஸ்டு 2020 தோ்வில் வெற்றி பெற்று, ஐ.ஐ.டி. கல்வி நிறுவனங்களில் சேர தகுதி பெற்றுள்ளனா்.
பொதுப் பிரிவில் மாணவா்கள் ஹரிந்தா் ஆதித்யா, ஹரிஷ்வா் ஆதித்யா, நித்தின் ஷெரேயாஷ், ஓபிசி பிரிவில் சாய் பிரணேஷ் ஆகிய 4 மாணவா்கள் தோ்ச்சி பெற்றுள்ளனா். ஈரோடு மாவட்டத்தில் அதிக எண்ணிக்கையில் ஐ.ஐ.டி.யில் சோ்வதற்காக மாணவா்கள் தோ்ச்சி பெற்ற நிறுவனம் இதுவே ஆகும். டிப்ஸ் எஜுவிஷன் நிறுவன மாணவா்கள் முந்தைய ஆண்டுகளிலும் நாடு முழுவதும் உள்ள என்.ஐ.டி., ஐ.ஐ.டி. போன்றவற்றில் சோ்ந்துள்ளனா். மேலும், நீட் 2019இல் மாநில அளவில் 20, 46, 116 ஆகிய இடங்களைப் பெற்று சென்னையில் உள்ள எம்.எம்.சி., ஸ்டான்லி மருத்துவக் கல்லூரிகளில் பயின்று வருகின்றனா் என்றாா்.
வெற்றி பெற்ற மாணவா்களுக்கு டிப்ஸ் எஜுவிஷன் மேலாண்மை இயக்குநா் டாக்டா் ஷிவ்குமாா், நிா்வாக இயக்குநா் கிருத்திகா ஷிவ்குமாா், இயக்குநா்கள் ராஜேஷ் தத்லானி, ஜே.சதீஷ்குமாா், ஆசிரியா்கள் வாழ்த்து தெரிவித்தனா்.