மூன்று வேளாண் சட்டங்களை திரும்பப்பெற வலியுறுத்தி அரசூரில் கண்டன ஆா்ப்பாட்டம் திங்கள்கிழமை நடைபெற்றது.
நாடாளுமன்றத்தில் மூன்று வேளாண் மசோத்தாக்களுக்கு ஜனாதிபதி ஒப்புதல் அளித்ததையடுத்து சட்டமாகியுள்ளது. அத்தியாவசிய பொருட்கள் திருத்த சட்டம், வேளாண் உற்பத்தி பொருட்கள் வணிக உக்குவிப்பு சட்டம், வேளாண் சேவைகள் ஒப்பந்த சாகுபடி சட்டம் ஆகிய இந்த மூன்று சட்டங்களால் விவசாயிகளின் வாழ்வாதாரம் முற்றிலும் முடங்குவதோடு மட்டுமின்றி வேளாண் விளைபொருட்களை பெரிய நிறுவனங்கள் பதுக்க வழி செய்யும். இதனால் விலைவாசி உயரும் அபாயமும் ஏற்பட்டுள்ளது. இதனால் நுகா்வோரும், சாமான்ய மக்களும் பாதிக்கபடும் அபாயம் ஏற்பட்டுள்ளது. ஆகவே, இந்த மூன்று சட்டங்களை உடனடியாக திரும்பப் பெற வலியுறுத்தி திமுக காங்கிரஸ் இந்திய கம்யூனிஸ்ட் கட்சி, மாா்க்சிஸ்ட் கம்யூனிஸ்ட் கட்சி, மதிமுக, கொமுக, விடுதலை சிறுத்தைகள், ஆதித்தமிழா் பேரவை ஆகியன இணைந்து சத்தியமங்கலம் தெற்கு ஒன்றியத்தில் திமுக தோழமை கட்சிகள் சாா்பாக அரசூரில் நடைபெற்ற கண்டன ஆா்பாட்டத்திற்கு பவானிசாகா் முன்னாள் சட்டமன்ற உறுப்பினா் பி.எல்.சுந்தரம் தலைமை வகித்தாா். சத்தியமங்கலம் ஒன்றிய பெருந்தலைவா் கே.சி.பி.இளங்கோ முன்னிலை வகித்தாா்.காங்கிரஸ் கட்சியின் வட்டார செயலாளா் தேவராஜ், இந்திய கம்யூனிஸ்ட் கட்சியின் ஒன்றிய செயலாளா் எஸ்.சி.நடராஜ், மாா்க்சிஸ்ட் கம்யூனிஸ்ட் கட்சியின் வட்ட செயலாளா் கே.எம்.விஜயகுமாா், ஆதித்தமிழா் பேரவை மாவட்ட செயலாளா் பொன்னுசாமி, திமுக மாவட்ட பிரதிநிதி மாணிக்கம் உள்ளிட்ட 500க்கும் மேற்பட்டோா் பங்கேற்றனா்.