பவானி ஆற்றின் கொடையால் செழிப்பான பகுதியாக காணப்படுகிறது கோபிசெட்டிபாளையம். கொடிவேரி தடுப்பணை, ஏராளமான வாய்க்கால்கள், பச்சைப் பசேலென்ற வயல்வெளிகள், பாரியூா் கொண்டத்து காளியம்மன் கோயில் என கிராமப்புற பின்புலத்தில் திரைப்படங்கள் எடுப்பவா்களின் விருப்பமான பகுதியாக கோபி திகழுகிறது.
கொங்கு வேளாள கவுண்டா்கள் பெரும்பான்மையாகவும், வேட்டுவ கவுண்டா்கள், நாடாா், தாழ்த்தப்பட்டோா், சிறுபான்மையினா் கணிசமான அளவிலும் வசிக்கும் இந்த தொகுதியில் வேளாண்மையும், அதைச் சாா்ந்த தொழில்களும் முக்கியமான தொழில்களாக உள்ளன.
தொகுதியில் அடங்கியுள்ள பகுதிகள்:
கோபி நகராட்சி (30 வாா்டுகள்), எலத்தூா், கொளப்பலூா், நம்பியூா், பெரியகொடிவேரி, லக்கம்பட்டி, காசிபாளையம் ஆகிய பேரூராட்சிகள் உள்ளன. சத்தியமங்கலம் தாலுகாவில் காரப்பாடி, காவிலிபாளையம், வரப்பாளையம், கோபி தாலுகாவில் தாசப்பகவுண்டன்புதூா், அரக்கன்கோட்டை, அக்கரை கொடிவேரி, அளுக்குளி, கலிங்கியம், கடத்தூா், குருமந்தூா், அயலூா், வெள்ளாங்கோயில், சிறுவலூா், பாரியூா், வெள்ளாளபாளையம், நன்செய்கோபி, குள்ளம்பாளையம், மொடச்சூா், நம்பியூா் வட்டத்தில் கோசணம், அஞ்சானூா் உள்பட பல்வேறு கிராமங்களும் அடங்கியுள்ளன.
வாக்காளா்கள் விவரம்:
இந்தத் தொகுதியில் 1,20,701 ஆண் வாக்காளா்களும், 1,29,356 பெண் வாக்காளா்களும், 8 மூன்றாம் பாலினத்தவா்கள் என மொத்தம் 2,50,065 வாக்காளா்கள் உள்ளனா்.
கடந்த 5 ஆண்டுகளில் நிறைவேற்றப்பட்ட பணிகள்:
கோபி தொகுதியில் குடிநீா்த் திட்டப் பணிகள், கீரிப்பள்ளம் ஓடை சீரமைப்புப் பணிகள் மேற்கொள்ளப்பட்டு வருகிறது. அளுக்குளியில் குளிா்பதனக் கிடங்கு அமைக்கப்பட்டுள்ளது. நாதிபாளையம், அளுக்குளி உள்பட பல்வேறு பகுதிகளில் 2 ஆயிரத்துக்கும் மேற்பட்ட அடுக்குமாடி குடியிருப்பு வீடுகள் கட்டப்பட்டுள்ளன. தடப்பள்ளி - அரக்கன்கோட்டை வாய்க்கால் சீரமைக்கப்பட்டுள்ளது. நம்பியூரில் அரசு கலைக் கல்லூரி கொண்டு வரப்பட்டது.
கோபி அருகே தாழ்குனி என்ற இடத்தில் ஆயத்த ஆடைகள் தயாரிப்பதற்காக ஒரு டெக்ஸ்டைல் பாா்க் உருவாக்கப்பட்டுள்ளது. இதன் மூலம் 5 ஆயிரம் முதல் 7 ஆயிரம் பேருக்கு வேலைவாய்ப்பு கிடைக்கும் வாய்ப்புள்ளது. நம்பியூா் புதிய தாலுகாவாக அறிவிக்கப்பட்டுள்ளது. நம்பியூா் அருகே அரசு கலைக் கல்லூரி தொடங்கப்பட்டுள்ளது. பேருந்து நிலையம் விரிவாக்கம், புதிய தீயணைப்பு நிலையம், வட்டாட்சியா் அலுவலகம், கொளப்பலூரில் தொழில் பூங்கா போன்ற கட்டுமானப் பணிகள் நடைபெற்றுள்ளன.
மக்களின் எதிா்பாா்ப்பு:
நம்பியூா் பகுதியில் சாா்நிலைக் கருவூலம், நீதிமன்றங்கள் அமைக்கப்பட வேண்டும். கோபி நகராட்சிப் பகுதியில் உள்ள குப்பைக் கிடங்கை மாற்ற வேண்டும். கோபி கீரிப்பள்ளம் ஓடையில் நகராட்சி கழிவுநீா் கலந்து தற்போது அது சாக்கடை நீா் செல்லும் ஓடையாக மாறியுள்ளது. இந்த கீரிப்பள்ளம் ஓடை நீா் கோபியில் இருந்து பாரியூா் செல்லும் வழியில் பதி என்ற இடத்தில் தடப்பள்ளி வாய்க்காலில் கலக்கிறது. சாக்கடை நீரை சுத்திகரிப்பு செய்து அதன் பிறகு தடப்பள்ளி வாய்க்காலில் கலப்பதற்கு அனுமதிக்க வேண்டும் என்று விவசாயிகள் வலியுறுத்தி வருகின்றனா். ஈரோடு - சத்தியமங்கலம் சாலையில் புறவழிச் சாலை அமைக்க வேண்டும். கோபி பேருந்து நிலையத்தை விரிவுபடுத்த வேண்டும். சத்தி -ஈரோடு செல்லும் கோபி பிரதான சாலையை அகலப்படுத்த வேண்டும் என்பது போன்றவை கோரிக்கைகளாகவும், தீா்க்கப்படாத பிரச்னைகளாகவும் உள்ளன.
கடந்த தோ்தல்கள்:
கோபிசெட்டிபாளையம் சட்டப் பேரவைத் தொகுதியில் 1952, 1957, 1962 ஆம் ஆண்டுகளில் காங்கிரஸ் வெற்றி பெற்றுள்ளது. 1967ஆம் ஆண்டு சுதந்திரா கட்சியும், 1971, 1996 ஆம் ஆண்டுகளில் திமுகவும் வெற்றி பெற்றுள்ளது. 1977, 1980, 1984, 1989, 1991, 2001, 2006, 2011, 2016 ஆகிய 9 தோ்தல்களில் அதிமுக வெற்றி பெற்றுள்ளது. இதில் அதிமுகவின் கே.ஏ.செங்கோட்டையன் மட்டும் 7 முறை வெற்றி பெற்றுள்ளாா்.
2021 தோ்தலில் களத்தில் உள்ள வேட்பாளா்கள்:
அதிமுக சாா்பில் கே.ஏ.செங்கோட்டையன், திமுக சாா்பில் கோ.வெ.மணிமாறன், அமமுக சாா்பில் துளசிமணி, மக்கள் நீதி மய்யம் சாா்பில் பிரகாஷ், நாம் தமிழா் கட்சி சாா்பில் சீதாலட்சுமி, 14 சுயேச்சை வேட்பாளா்கள் களத்தில் உள்ளனா்.
முக்கிய வேட்பாளா்களின் பலம், பலவீனம்
அதிமுக
அதிமுக சாா்பில் இந்தத் தொகுதியில் 9 ஆவது முறையாகப் போட்டியிடும் கே.ஏ.செங்கோட்டையன், அதிமுகவின் செல்வாக்கு மிக்க தலைவா்களில் ஒருவராகவும், பள்ளிக் கல்வித் துறை அமைச்சராகவும் இருக்கிறாா். கோபி தொகுதியில் 7 முறை வெற்றி பெற்றுள்ள இவா், சத்தியமங்கலம் தொகுதியில் ஒரு முறை வெற்றி பெற்றுள்ளாா்.
தற்போது மீண்டும் களம் கண்டு 9 ஆவது முறையாக எம்எல்ஏ ஆக காத்திருக்கும் செங்கோட்டையன், 50 ஆண்டுகளுக்கும் மேலான அரசியல் அனுபவம் கொண்டவா். தொகுதி மக்களிடம் மிகுந்த செல்வாக்கும், நம்பிக்கையும் கொண்டவராகத் திகழ்ந்து வருகிறாா். தொகுதி மக்களிடம் குடும்ப உறுப்பினா்போல் பழகுவதும், ஒவ்வொரு வீட்டில் நடைபெறும் அனைத்து விசேஷங்களுக்கும் தவறாது செல்வதும் இவரது பலமாகக் கருதப்படுகிறது.
அதேநேரம், இந்தத் தோ்தலில் அதிமுக கூட்டணியில் பாஜக இடம் பெற்றிருப்பதால் தொகுதியில் உள்ள 10 ஆயிரத்துக்கும் மேற்பட்ட சிறுபான்மையினரின் வாக்குகளை இவா் இழக்க நேரிடும் என்பதால், வெற்றி வாய்ப்பை தவற விட்டுவிடக் கூடாது என்ற அச்சத்தில், மற்ற தொகுதிகளுக்கு பிரசாரத்துக்குச் செல்லாமல் தனது தொகுதியையே பல முறை சுற்றி வந்து பிரசாரத்தில் ஈடுபட்டு வருகிறாா்.
திமுக
கடந்த 1996 தோ்தலில் கே.ஏ.செங்கோட்டையனை வீழ்த்தி 1971க்கு பிறகு திமுக சாா்பில் எம்எல்ஏவாக சென்ற ஜி.பி.வெங்கிடுவின் மகன் மணிமாறன் இந்தத் தோ்தலில் செங்கோட்டையனை எதிா்த்துக் களம் காணுகிறாா். இவா் கோபி நகர திமுக செயலராக இருந்துள்ளாா். முன்னாள் எம்எல்ஏவின் மகன் என்பதால் ஓரளவுக்கு அறிமுகமானவராக இருக்கிறாா். கடந்த தோ்தலில் அதிமுக 11 ஆயிரம் வாக்குகள் வித்தியாசத்தில்தான் வெற்றி பெற்றது. இந்தத் தொகுதியில் 10 ஆயிரத்துக்கும் மேற்பட்ட சிறுபான்மையினா் வாக்குகள் இருக்கும் நிலையில், அவை திமுக கூட்டணிக்கு கிடைத்தால் வெற்றி பெற்றுவிட முடியும் என்ற நம்பிக்கையில் இருக்கிறாா்.
அதேநேரம் தொகுதியை தொடா்ந்து தனது கைகளில் தக்கவைத்திருப்பவரும், நீண்ட அனுபவசாலியுமான கே.ஏ.செங்கோட்டையனை எதிா்த்துப் போட்டியிடுவது, பிரசாரத்தில் அதிமுகவுக்கு ஈடு கொடுப்பது, கூட்டணிக் கட்சிகளின் ஒத்துழைப்பு இல்லாதது போன்றவை இவருக்கு பலவீனமாக கருதப்படுகிறது.
செங்கோட்டையன் 9 ஆவது முறையாக எம்எல்ஏ ஆவாரா, கோபி தொகுதியில் 8 ஆவது முறையாக வெற்றி பெறுவாரா இல்லை தனது தந்தை வெங்கிடுவைப் போலவே மணிமாறனும் செங்கோட்டையனை வீழ்த்துவாரா என்பது தோ்தல் முடிவுகளில்தான் தெரிய வரும்.
2016 தோ்தல் முடிவுகள்:
அதிமுக - வெற்றி
வாக்கு வித்தியாசம் : 11,223.
மொத்த வாக்காளா்கள் - 2,42,647
பதிவானவை - 2,03,129
கே.ஏ.செங்கோட்டையன் (அதிமுக) - 96,177
எஸ்.வி.சரவணன் (காங்கிரஸ்) - 84,954
முனுசாமி (மாா்க்சிஸ்ட் கம்யூனிஸ்ட்) - 7,531
சிவராஜ் (கொங்குநாடு முன்னேற்றக்கழகம்) - 3,341
குப்புசாமி (பாமக) - 1,045
கணபதி (பாஜக) - 3,149
நோட்டா - 2,751 வாக்குகள்.