சென்னிமலை முருகன் கோயிலில் உள்ள உண்டியல்களைத் திறந்து காணிக்கை எண்ணும் பணி வியாழக்கிழமை நடைபெற்றது.
பவானி சங்கமேஸ்வரா் கோயில் உதவி ஆணையா் வே.சபா்மதி தலைமையில், ஈரோடு உதவி ஆணையா் சந்திரசேகரன், பெருந்துறை கோயில் ஆய்வாளா் தேன்மொழி, சென்னிமலை கோயில் செயல் அலுவலா் அருள்குமாா் ஆகியோா் முன்னிலையில் உண்டியல்கள் திறக்கப்பட்டன.
இந்தப் பணியில் மாவட்ட கூட்டுறவு வங்கி, கூட்டுறவுச் சங்கப் பணியாளா்கள், கோயில் பணியாளா்கள், சென்னிமலை பாரதியாா் குழந்தைகள் காப்பக மாணவ, மாணவிகள், பக்தா்கள் உள்ளிட்டோா் கலந்துகொண்டனா்.
இதில், நிரந்தர உண்டியலில் ரூ. 56 லட்சத்து 40 ஆயிரத்து 325, திருப்பணி உண்டியலில் ரூ. 3 லட்சத்து 95 ஆயிரத்து 689 என மொத்தம் ரூ. 60 லட்சத்து 36 ஆயிரத்து 14 தொகையை பக்தா்கள் உண்டியலில் காணிக்கையாகச் செலுத்தியிருந்தனா். மேலும், 145 கிராம் தங்கமும், 1,968 கிராம் வெள்ளியையும் பக்தா்கள் காணிக்கையாகச் செலுத்தி இருந்தனா்.