பெண்ணிடம் கத்தியைக் காட்டி மிரட்டி பணம்,நகை கொள்ளைச் சம்பவம்: தனிப்படை அமைப்பு

பெருந்துறை நகரில் பட்டப்பகலில் வீட்டில் தனியாக இருந்த பெண்ணிடம் கத்தியைக் காட்டி மிரட்டி சுமாா் ரூ. 5 லட்சம் மதிப்புள்ள நகைகள், பணத்தை கொள்ளையடித்துச் சென்ற நபரைப் பிடிக்க தனிப்படை அமைக்கப்பட்டுள்ளது.

பெருந்துறை, காஞ்சிக்கோவில் சாலை கொங்கு நகா், வள்ளலாா் வீதியைச் சோ்ந்தவா் காா்த்திக் மனைவி மல்லிகா(33). இவா்களுக்கு சபரீஷ் (13), நவீன் (9) என்ற இரு மகன்கள் உள்ளனா். வெள்ளிக்கிழமை காலை வழக்கம்போல மல்லிகா தனது இரு மகன்களையும் இருசக்கர வாகனத்தில் அழைத்துச் சென்று பள்ளியில் விட்டுவிட்டு வீட்டுக்குத் திரும்பியுள்ளாா்.

சிறிது நேரத்தில் அடையாளம் தெரியாத மா்மநபா் வீட்டுக்குள் புகுந்து மல்லிகாவிடம் கத்தியைக் காட்டி மிரட்டி, 11 பவுன் நகைகள், பீரோவில் வைத்திருந்த பணம் ரூ. 3 லட்சம் ஆகியவற்றை கொள்ளையடித்துச் சென்றுள்ளாா்.

இதுகுறித்து தகவலறிந்த மாவட்ட காவல் கண்கணிப்பாளா் சசிமோகன் சம்பவ இடத்தைப் பாா்வையிட்டாா். பின்னா், மல்லிகாவிடம் விசாரணை மேற்கொண்டாா். அப்போது, பெருந்துறை காவல் உதவி கண்காணிப்பாளா் கெளதம் கோயல் உள்ளிட்ட போலீஸ் அதிகாரிகள் உடனிருந்தனா். கொள்ளையனைப் பிடிக்க போலீஸ் உயா் அதிகாரிகள் தலைமையில் தனிப்படை அமைக்கப்பட்டு, தீவிர விசாரணை நடைபெற்று வருகிறது.

செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...