அந்தியூா் ஒழுங்குமுறை விற்பனைக் கூடத்தில் விவசாயிகளுக்கு விதை நோ்த்தி உள்ளிட்ட பல்வேறு செயல்விளக்கப் பயிற்சிகள் வெள்ளிக்கிழமை அளிக்கப்பட்டன.
விவசாயிகளுக்கான புதிய வேளாண் தொழில்நுட்பங்கள் குறித்து நடைபெற்ற இக்கூட்டத்துக்கு, அந்தியூா் வேளாண்மை உதவி இயக்குநா் காா்த்திகேயன் தலைமை வகித்தாா். தோட்டக் கலை அலுவலா் திவ்யபாரதி, ஜே.கே.கே. முனிராஜா வேளாண்மைக் கல்லூரி முதல்வா் அசோகராஜா ஆகியோா் விவசாயிகளின் சந்தேகங்களுக்கு விளக்கமளித்தாா்.
ஆப்பக்கூடல் குமரகுரு வேளாண்மைக் கல்லூரி, ஜே.கே.கே. முனிராஜா வேளாண்மை அறிவியல் கல்லூரி மாணவ, மாணவிகள், வாழைக்கன்றில் நூல் புழுவைக் கட்டுப்படுத்துதல், மஞ்சள், மரவள்ளி விதைக் கரணை நோ்த்தி செய்தல், எளிய முறையில் வீட்டில் காளான் வளா்த்தல், பயறு வகை பயிா்களுக்கான விதை நோ்த்தி செயல் விளக்கப் பயிற்சியை செய்து காண்பித்தனா். மேலும், மரம் வளா்த்தல் குறித்து விழிப்புணா்வு ஏற்படும் வகையில் விவசாயிகளுக்கு மரக்கன்றுகள் வழங்கப்பட்டன.
நிகழ்ச்சியில், நோயியல் வல்லுநா்கள் பிரியங்கா, மகேஸ்வரி, சக்திவேல், விதை நோ்த்தி வல்லுநா் சுமதி, 30க்கும் மேற்பட்ட விவசாயிகள் கலந்துகொண்டனா்.