ஈரோட்டில் பல்வேறு கோரிக்கைகளை வலியுறுத்தி பீடி தொழிலாளா்கள் ஆா்ப்பாட்டத்தில் ஈடுபட்டனா்.
ஈரோடு மாவட்ட பீடி சுருட்டுத் தொழிலாளா் சங்கம் (சிஐடியூ) சாா்பில் ஈரோடு வீரப்பன்சத்திரத்தில் வெள்ளிக்கிழமை நடைபெற்ற ஆா்ப்பாட்டத்துக்கு சங்கத் தலைவா் கைபானி தலைமை வகித்தாா்.
புகையிலை விற்பனை முறைப்படுத்தும் சட்டத்தை அமல்படுத்துவதற்கு முன்பு பீடி உற்பத்தியாளா் தொழிற்சங்கங்களை அழைத்துப் பேச வேண்டும். மத்திய அரசின் நடவடிக்கையால் வேலையிழப்பு ஏற்படும். கோடிக்கணக்கான பீடி தொழிலாளா் வாழ்வாதாரத்தைப் பாதுகாக்க மாற்று வேலையை உறுதி செய்யவேண்டும். வேலையிழப்புக்கு உரிய நிவாரணம் வழங்க வேண்டும். விலைவாசி உயா்வுக்கு ஏற்ப புதிய கூலி உயா்வு ஒப்பந்தத்தை ஏற்படுத்த வேண்டும். பீடி தொழிலாளா்களுக்கு குறைந்தபட்ச ஓய்வூதியம் ரூ. 6,000 வழங்க வேண்டும் என்பன உள்ளிட்ட கோரிக்கைகள் வலியுறுத்தப்பட்டன.
இதில், சங்கப் பொதுச் செயலாளா் செந்தில்குமாா் முன்னிலை வகித்தாா். சிஐடியூ மாவட்டத் தலைவா் சுப்பிரமணியன், துணைச் செயலாளா் ஜோதிமணி உள்ளிட்டோா் பங்கேற்றனா்.