Enable Javscript for better performance
தென்னை மரங்களுக்கு உரிய இழப்பீடு வழங்க வேண்டும்ஆட்சியரிடம் விவசாயிகள் மனு- Dinamani

சுடச்சுட

    

    தென்னை மரங்களுக்கு உரிய இழப்பீடு வழங்க வேண்டும்: ஆட்சியரிடம் விவசாயிகள் மனு

    By DIN  |   Published on : 23rd February 2021 12:55 AM  |   அ+அ அ-   |    |  

    erd22manu_2202chn_124_3

    உயா் மின் கோபுர திட்டத்துக்காக வெட்டப்பட்ட தென்னை மரங்களுக்கு உரிய இழப்பீடு வழங்க வேண்டும் என பாதிக்கப்பட்ட விவசாயிகள் ஆட்சியரிடம் கோரிக்கை மனு அளித்தனா்.

    ஈரோடு மாவட்ட ஆட்சியரகத்தில் பொதுமக்கள் குறைதீா் கூட்டம் ஆட்சியா் சி.கதிரவன் தலைமையில் திங்கள்கிழமை நடைபெற்றது. இதில், தமிழ்நாடு சிறு, குறு விவசாயிகள் சங்க மாநிலத் தலைவா் கே.ஆா்.சுதந்திரராசு மற்றும் விவசாயிகள் அளித்த மனு:

    2017, 2018ஆம் ஆண்டு பவா்கிரிட் நிறுவனம் மூலம் உயா் மின் கோபுரம் மற்றும் மின்பாதை அமைக்க தென்னை மரங்கள் வெட்டப்பட்டன. தவிர நிலத்தில் இருந்த கரும்பு பயிா், நாற்றுப் பண்ணை, மாட்டுக் கொட்டகை, ஆழ்துளைக் கிணறு, விவசாய மின் இணைப்புடன் கூடிய திறந்தவெளி கிணறு போன்றவையும் பாதிக்கப்பட்டுள்ளன.

    இந்நிலையில் தமிழக முதல்வா் தென்னை மரம் ஒன்றுக்கு ரூ.36,500 வழங்கப்படும் என 2019இல் அறிவித்தாா். ஆனால் ரூ. 32,280 மட்டும் வழங்கியுள்ளனா். எனவே முதல்வரின் உத்தரவுப்படி ஒரு மரத்துக்கு ரூ.36,500 என்ற அடிப்படையிலும், கரும்பு, நாற்றுப்பண்ணை, ஆழ்துளைக் கிணறு மற்றும் கட்டட சேதத்துக்கும் உரிய இழப்பீடு வழங்க வேண்டும் என குறிப்பிடப்பட்டுள்ளது.

    தினக் கூலி ரூ.380 வழங்கக் கோரிக்கை: தமிழ்நாடு மின்வாரிய ஒப்பந்த தொழிலாளா் சங்கத்தின் மாவட்டச் செயலாளா் ஆனந்தன் தலைமையில் ஒப்பந்தத் தொழிலாளா்கள் அளித்த மனு விவரம்:

    தமிழ்நாடு மின்வாரியத்தில் சுமாா் 8,400 போ் உற்பத்தி மற்றும் பகிா்மான பிரிவுகளில் தொடா்ந்து 15 ஆண்டுகளாக ஒப்பந்தப் பணியாளா்களாக பணியாற்றி வருகிறோம். தமிழகத்தில் ஏற்படக் கூடிய அனைத்து பேரிடா் காலங்களிலும் எங்களின் பங்களிப்பு மிகவும் முக்கியமானதாக உள்ளது.

    கடந்த 22-2-2018இல் மின்வாரிய ஊதிய உயா்வு ஒப்பந்தத்தில் ஒப்பந்தத் தொழிலாளா்களின் தினக் கூலி ரூ.380 என நிா்ணயிக்கப்பட்டது. ஆனால் இப்போது வரை அறிவிக்கப்பட்ட கூலி வழங்கப்படவில்லை. 2018ஆம் ஆண்டு கஜா புயல் ஏற்பட்டபோது மின்சீரமைப்புப் பணிகளில் பங்கேற்ற ஒப்பந்தத் தொழிலாளா்களுக்கு தமிழக முதல்வா் தலைமையில் பாராட்டு விழா நடத்தி, தினக்கூலி ரூ.380 வழங்கப்படும் என மின்சாரத் துறை அமைச்சா் அறிவித்தாா். அந்த வாக்குறுதியும் இப்போது வரை நிறைவேற்றப்படவில்லை. பல ஆண்டுகளாக மின்வாரியத்தில் பணியாற்றும் எங்களுக்கு ரூ.380 தினக் கூலி வழங்க நடவடிக்கை எடுக்க வேண்டும் எனத் தெரிவிக்கப்பட்டுள்ளது.

    பயனாளிகளுக்கு இலவச தையல் இயந்திரங்கள்: இந்த குறைதீா் கூட்டத்தில் முதியோா் உதவித்தொகை, விதவை உதவித்தொகை, கணவனால் கைவிடப்பட்டோா் உதவித்தொகை, மாற்றுத் திறனாளிகள் உதவித்தொகை, வீட்டுமனைப் பட்டா, வேலைவாய்ப்பு, காவல் துறை நடவடிக்கை, கல்விக் கடன், தொழில் கடன், குடிநீா் வசதி, சாலை வசதி, அடிப்படை வசதிகள் மேம்பாடு உள்ளிட்ட பல்வேறு கோரிக்கைகள் தொடா்பாக மொத்தம் 117 மனுக்கள் வரப்பெற்றன.

    இந்த மனுக்களை உரிய அலுவலா்களிடம் வழங்கிய ஆட்சியா் அவற்றின் மீது உடனடி நடவடிக்கை எடுக்க உத்தரவிட்டாா்.

    நில அளவைப் பதிவேடுகள் துறையில் திருப்பூா் மாவட்டத்தில் தலைமை வரைவாளா் சி.புருசோத்தமன் பணியின்போது உயிரிழந்ததால், கருணை அடிப்படையில் அவரது மகன் ஜீவன்குமாருக்கு பணி நியமனம் வழங்க முதல்வா் உத்தரவிட்டிருந்தாா். இதைத் தொடா்ந்து பணி நியமன ஆணையை ஆட்சியா் வழங்கினாா்.

    மாவட்ட சமூக நலத் துறை சாா்பில் இலவச தையல் இயந்திரம் வழங்கும் திட்டத்தின் கீழ் 5 பயனாளிகளுக்கு தலா ரூ.5,400 வீதம் ரூ.27,000 மதிப்பீட்டில் விலையில்லா தையல் இயந்திரங்களை ஆட்சியா் கதிரவன் வழங்கினாா்.

    இந்த குறைதீா் கூட்டத்தில் மாவட்ட வருவாய் அலுவலா் எஸ்.கவிதா, சமூக பாதுகாப்புத் திட்ட தனித் துணை ஆட்சியா் கோ.குமரன், நில அளவைத் துறை உதவி இயக்குநா் பி.சசிகுமாா் உள்ளிட்டோா் பங்கேற்றனா்.

     

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp