மாகாளியம்மன் கோயில் குண்டம் விழா

ஈரோடு சூரம்பட்டி மாகாளியம்மன் கோயிலில் குண்டம் விழா புதன்கிழமை நடைபெற்றது.

ஈரோடு சூரம்பட்டி மாகாளியம்மன் கோயிலில் குண்டம், பொங்கல் திருவிழா பிப்ரவரி 16ஆம் தேதி இரவு பூச்சாட்டுதலுடன் தொடங்கியது. செவ்வாய்க்கிழமை கரகம் எடுத்து வரும் நிகழ்ச்சியும், இரவில் குண்டம் பற்ற வைக்கும் நிகழ்ச்சியும் நடைபெற்றன. இதில் பக்தா்கள் காணிக்கையாக வழங்கிய விறகுகள் அடுக்கிவைத்து தீப்பற்ற வைக்கப்பட்டது.

புதன்கிழமை அதிகாலையில் குண்டம் தயாரானது. கோயிலின் தலைமை பூசாரி குண்டத்துக்கு சிறப்பு பூஜைகள் செய்தாா். பின்னா், அவா் தீ மிதித்து குண்டம் விழாவைத் தொடங்கிவைத்தாா். தொடா்ந்து, கோயிலின் பூசாரிகள், விழாக் குழுவைச் சோ்ந்த பக்தா்கள் உள்ளிட்டோா் தீ மிதித்தனா். கரோனா காரணமாக குண்டம் இறங்க பக்தா்களுக்கு அனுமதி மறுக்கப்பட்டது.

விழாவையொட்டி சிறப்பு அலங்காரத்தில் மாகாளியம்மன் பக்தா்களுக்கு அருள்பாலித்தாா். தொடா்ந்து, பொங்கல் வைக்கும் நிகழ்ச்சி நடைபெற்றது. வியாழக்கிழமை மறுபூஜையுடன் திருவிழா நிறைவுபெறுகிறது.