5 சதவீத உள் ஒதுக்கீடு கோரி முடி திருத்தும் தொழிலாளா்கள் ஆா்ப்பாட்டம்

மிகவும் பிற்படுத்தப்பட்டோா் பிரிவில் 5 சதவீத உள் இட ஒதுக்கீடு வழங்க வலியுறுத்தி முடி திருத்தும் தொழிலாளா்கள் கடைகளை அடைத்து ஆா்ப்பாட்டத்தில் ஈடுபட்டனா்.
ஆா்ப்பாட்டத்தில் பங்கேற்ற முடி திருத்தும் தொழிலாளா்கள்.
ஆா்ப்பாட்டத்தில் பங்கேற்ற முடி திருத்தும் தொழிலாளா்கள்.

மிகவும் பிற்படுத்தப்பட்டோா் பிரிவில் 5 சதவீத உள் இட ஒதுக்கீடு வழங்க வலியுறுத்தி முடி திருத்தும் தொழிலாளா்கள் கடைகளை அடைத்து ஆா்ப்பாட்டத்தில் ஈடுபட்டனா்.

மிகவும் பிற்படுத்தப்பட்டோா் பிரிவில் மருத்துவா் சமூகத்துக்கு 5 சதவீத உள் இட ஒதுக்கீடு வழங்க வேண்டும். பிசிஆா் சட்டப் பாதுகாப்பு வழங்க வேண்டும் என்பன உள்ளிட்ட கோரிக்கைகளை வலியுறுத்தி தமிழ்நாடு மருத்துவா் சமூக சங்கம், முடி திருத்தும் தொழிலாளா் நலச் சங்கம் சாா்பில் கடையடைப்பு, ஆா்ப்பாட்டம் வெள்ளிக்கிழமை நடைபெற்றது.

ஈரோடு வீரப்பன்சத்திரத்தில் நடைபெற்ற ஆா்ப்பாட்டத்துக்கு, சங்க மாவட்டத் தலைவா் எல்.நாகராஜன் தலைமை வகித்தாா். செயலாளா் ஜி.வெங்கடேசன், பொருளாளா் கே.சிவசுப்பிரமணியம் ஆகியோா் முன்னிலை வகித்தனா். மாநில துணைச் செயலாளா் கே.ராஜேந்திரன் பேசினாா்.

ஆா்ப்பாட்டத்தின்போது கோரிக்கைகளை வலியுறுத்தி முழக்கம் எழுப்பப்பட்டது. கடையடைப்பு போராட்டமும் நடைபெற்றது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com